3 orë më parëAmbasada amerikane në Afganistan po i shkatërron dokumentet e ndjeshme para evakuimit
Periskopi(5 vite më parë)
(5 vite më parë)Në kohën kur talibanët po i afrohen kryeqytetit Kabul, burimet i kanë thën televizionit amerikan, Fox News, se diplomatët amerikanë në ambasadën e ShBA-së në Afganistan po i shkatërrojnë dokumentet dhe pajisjet e ndjeshme. Televizioni konfirmoi se zyrtarët janë duke shkatërruar dokumente dhe pajisje të ndjeshme në ambasadë. Raportohet se në mesin e objekteve për shkatërrim […]
Televizioni konfirmoi se zyrtarët janë duke shkatërruar dokumente dhe pajisje të ndjeshme në ambasadë. Raportohet se në mesin e objekteve për shkatërrim janë edhe kompjuterët dhe telefonat, transmeton Gazeta Express.
Një dokument që po qarkullon në mesin e punëtorëve të ambasadës i udhëzon ata për t’i shkatërruar dokumentet dhe kompjuterët, raportoi National Public Radio.
Vetëm një staf i vogël do të mbetet në Kabul, ndërsa punëtorëve pa përvojë diplomatike u është kërkuar që të largohen nga Afganistani deri në fund të muajit.
Të enjten, Presidenti Biden dha urdhër për dërgimin e 3.000 trupave që t’i ndihmojnë 600 të tjera në Afganistan për evakuimin e stafit të ambasadës nga frika se talibanët do të futen në Kabul brenda disa javësh.
Gazeta e njohur amerikane, “The New York Times”, raportoi të enjten se zyrtarët amerikanë kanë biseduar me talibanët për ta parandaluar sulmin ndaj ambasadës pas tërheqjes së trupave amerikane nga Afganistani.
E përditshmja amerikane tha se në këtë ambasadë punojnë rreth 4.000 persona, përfshirë 1.400 amerikanë.
