Vuçiq: Mjaft me çmendurinë e së kaluarës, duhet kompromis për Kosovën

Ne kemi vendosur – qëllimi ynë është dhe mbetet BE-ja.

Kështu tha presidenti serb Aleksandar Vuçiq në një intervistë me të përditshmen gjermane “Handelsblatt”, me ç’rast shtoi se duhet kompromis për çështjen e Kosovës.

“Vetëm në këtë mënyrë mund të ketë paqe të qëndrueshme. Serbia dhe unë duam paqe. Le të ndalojmë çmendurinë e së kaluarës. Atëherë i gjithë rajoni mund të bëhet motori i rritjes së re për Evropën”.

Vuçiq tha se rruga serbe ndjek rrugën gjermane për në Evropë dhe se Serbia dëshiron një shans të drejtë, përcjell Kosovo Online.

“Unë besoj në fjalët e Merkelit. Ajo është në fund të mandatit të saj dhe nuk do të duhet ta lëvdoj më. Por ajo na dha stabilitet, liri të udhëtimit në BE, ndihmoi në krizën e migrantëve në 2015. Dhe pyeti Ministrin e Ekonomisë Altmeier dhe të tjerët të punojnë ngushtë me ne ”, theksoi ai.

Kur u pyet nëse ka ndonjë indikacion që qeveria e re gjermane do të mbështesë Serbinë në të njëjtën mënyrë, kreu i shtetit serb shprehu besimin e se do të jetë e njëjta.

“Unë e njoh Armin Lachet, fola me të si kryeministër i Nordrhein-Ëestfalen. Ai është shumë i zgjuar dhe e kupton situatën në Ballkan, dhe sigurisht që do të vazhdojë politikën e Merkel ndaj rajonit tonë si kancelari i ri,” shtoi ai./kk/