Tragjike: Vdes njëri nga tre të plagosur në komunën e Vitisë

Lajmi i fundit është se njëri nga të plagosurit tashmë për fat të keq ka ndërruar jetë.

Lajmi është konfirmuar edhe nga zëdhënësi i Policisë për rajonin e Gjilanit ndërsa një person është arrestuar.

“Edhe për kundër ndihmës së mjekëve në qendrën emergjente në Gjilan, si pasojë e plagëve nga arma e zjarrit njëri nga të lënduarit banor i Vitisë ka ndërruar jetë. Policia e Kosovës me njësitet relevante në vendin e ngjarjes kanë arritur ta arrestojnë një të dyshuar që besohet të jetë i involvuar në këtë rast të rëndë. Hetimet se si ka ardhur deri te ky rast i rëndë si dhe motivet e këtij rasti janë duke i udhëheqë Policia e Kosovës njësitet e hetimeve rajonale në koordinim me Prokurorin e Shtetit”.

Edhe dy persona tjerë dyshohet se janë plagosur në këtë sulm.