6 orë më parëTahiri: Qysh u bë që për tri ditë rresht, askujt në Qeveri nuk i interesoi se çka po ndodhë në Deçan?
Periskopi(5 vite më parë)
(5 vite më parë)Shefi i deputetëve të AAK-së, Besnik Tahiri, ka kërkuar veprim më të shpejtë të Qeverisë së Kosovës për situatën në Deçan. “Kërkojmë që me urgjencë, që Qeveria, të shkojnë në Deçan, që të shohin për së afërmi gjendjen e të helmuarve, gjendjen e familjeve dhe të ndihmojnë komunën në raport me të helmuarin, me këtë […]
Shefi i deputetëve të AAK-së, Besnik Tahiri, ka kërkuar veprim më të shpejtë të Qeverisë së Kosovës për situatën në Deçan.
“Kërkojmë që me urgjencë, që Qeveria, të shkojnë në Deçan, që të shohin për së afërmi gjendjen e të helmuarve, gjendjen e familjeve dhe të ndihmojnë komunën në raport me të helmuarin, me këtë helmim që është ende i çuditshëm. Ministria e Shëndetësisë të ndihmojë komunën me të gjitha mjetet. Cka ka ndodhë? Pse nuk ka reagim të Qeverisë? A është kjo komunë në Kosovë, apo jo?”, ka thënë ai, shkruan Periskopi.
Ai ka thënë se është e pakuptueshme se si për tri ditë rresht, nuk kishte asnjë reagim të Qeverisë megjithëse raportohej për mbi 1 mijë të infektuar dhe gjendjen e rëndë në komunën e Deçanit.
“Është e pakuptueshme, që për tri ditë rresht të raportohet helmim masiv, që Qendra e mjekësisë është e stërmbushur, ministri dhe të gjitha instancat të mos kenë asnjë reagim”, ka thënë Tahiri, përcjell Periskopi.
