3 orë më parëSuspendohet një zyrtar policor dhe procedurë disciplinore për disa të tjerë në rastin e arrestimeve të PSD’së
Periskopi(5 vite më parë)
(5 vite më parë)Është suspenduar mbikëqyrësi i cili ka menagjuar me veprimet policore gjatë arrestimit të aktivistëve të Partisë Socialdemokrate të cilët shkruan grafite në veturat zyrtare që gjendeshin para objektit të ish-Rilindjes. Kështu ka bërë të ditur Policia e Kosovës përmes një komunikate për media ku ka njoftuar se edhe ndaj mbikëqyrësve tjerë kompetentë është iniciuar procedura […]
Është suspenduar mbikëqyrësi i cili ka menagjuar me veprimet policore gjatë arrestimit të aktivistëve të Partisë Socialdemokrate të cilët shkruan grafite në veturat zyrtare që gjendeshin para objektit të ish-Rilindjes.
Kështu ka bërë të ditur Policia e Kosovës përmes një komunikate për media ku ka njoftuar se edhe ndaj mbikëqyrësve tjerë kompetentë është iniciuar procedura disiplinore për përgjegjësi menaxheriale.
“Menagjmenti i Policisë së Kosovës me qëllim të sqarimit dhe hetimit të veprimeve policore mbi përdorimin e forcës, bazuar në procedurat e parapara ligjore ka njoftuar Inspektoratin Policor, i cili ka filluar hetimet penale lidhur me këtë rast, përderisa në këtë fazë ndaj mbikëqyrësit i cili ka menagjuar me veprimet policore është shqiptuar masa e suspendimit, ndaj të cilit njëkohësisht është iniciuar edhe procedura për përgjegjësi komanduese. Po ashtu ndaj mbikëqyrësve tjerë kompetentë është iniciuar procedura disiplinore për përgjegjësi menaxheriale”, thuhet në njoftimin e Policisë.
