5 orë më parëSkandali Pegasus: Mes 600 politikanëve në listë spiunazhi gjendet edhe presidenti Emmanuel Macron
Periskopi(5 vite më parë)
(5 vite më parë)Presidenti francez Emmanuel Macron është një prej shumë liderëve botërorë që besohet se janë shënjestruar me softverin hakues të spiunazhit që po bën bujë të madhe mediale. Softveri, i njohur si Pegasus, infektoi telefonët dhe lejoi operatorët që të spiunonin shënjestrat e tyre. Shumë liderë janë në listën prej diku 50 mijë numrave të telefonit […]
Softveri, i njohur si Pegasus, infektoi telefonët dhe lejoi operatorët që të spiunonin shënjestrat e tyre.
Shumë liderë janë në listën prej diku 50 mijë numrave të telefonit që besohet se ishin persona interesi për firmën nga Izraeli NSO Group. Lista kishte rrjedhur te mediat e mëdha botërore.
NSO ka mohuar çdo keqbërje të mundshme, raporton BBC, përkthen Periskopi.
Ajo thotë se softveri kishte ishte përdorur kundër kriminelëve dhe terroristëve.
Gazeta franceze Le Monde ka raportuar se shërbimet e inteligjencës marokiene kishin identifkuar një numër telefoni të presidentit Macron që ishte përdorur prej tij që nga viti 2017.
Maroko e ka mohuar se ishte klient i prodhuesit izraelit Pegasus.
Nuk dihet nëse softveri është instaluar në telefonin e presidentit francez.
Liderët e tjerë që ishin në listë janë presidenti i Irakut Baram Salih, ai i Afrikës së Jugut Cyril Ramaphosa, e po ashtu edhe kryeministrat aktualë të Pakistanit, Egjiptit dhe Marokos.
Më shumë se 600 zyrtarë qeveritarë dhe politikanë nga 34 shtete janë në këtë listë.
Presidenca franceze ka deklaruar se nëse këto zbulime ishin të vërteta, atëherë puna do të ishte shumë serioze. /Periskopi
