Simmons: Gjykata Speciale është një-etnike, u formua për t’i dënuar shqiptarët dhe ushtarët e UÇK-së

“Për mendimin tim EULEX-i nuk është mision i sundimit të ligjit por është mision politik. EULEX-i kurrë s’do të ekzistonte po të thoshte se është mision politik. Është një ujk me lëkurë deleje.” – deklaroi z. Simmons në dëshminë e tij, përcjell Periskopi.

“Agjenda politike e EULEX-it është e qartë,” – u shpreh ai.

“Serbia dhe Kosova nuk trajtohen si të barabarta. Është e rëndësishme dhe korrekte që Kosova duhet të qëndrojë për veten e saj. Kosova është vend i pavarur. Dhe është koha që secili ta kuptojë këtë gjë. Ajo që shohim në Hagë është një gjykatë e vendosur nga BE-ja për të treguar fuqinë e saj. E di se ka shqetësime të mëdha brenda komunitetit ndërkombëtar në lidhje me kompetencën që kanë gjyqtarët e Gjykatës Speciale dhe kjo duhet adresuar. Sepse dorën në zemër, ajo është Gjykatë etnike për t’i ndëshkuar shqiptarët dhe ish ushtarët e UÇK-së. Ku janë kriminelët e Serbisë, ku janë ata që kryen krime në Kosovë? Dhe ka mijëra e mijëra vetë në Kosovë që janë viktima të mizorisë që e pësuan në atë konflikt dhe që nuk po shohin drejtësi. Ku është drejtësia për ta? Të gjithë ne kemi menduar se misioni i EULEX-it do t’i ndreqte gjërat. Se ne të gjithë do ta kryenim punën dhe drejtësia do të vendoset. Ajo që zbuluam ishte se kishim një mision jokompentet, të pazotin, që bëri shumë pak.” – deklaroi ai.