Pse po persekutohet veç UÇK-ja? Simmons thotë që ndërkombëtarët nuk ka sjellë drejtësi për viktimat shqiptare të luftës

Ai ka deklaruar se asnjë prej shqetësimeve që ka ngritur përgjatë këtyre viteve nuk është adresuar nga EULEX-i apo Ambasada e Britanisë së Madhe.

“Unë nuk doja që BE-ja të hetonte pretendimet e mia sepse do ta kontrollonin procesin dhe rezultatin e këtij procesi,” deklaroi z. Simmons, përcjell Periskopi.

“Në mënyrë naive kam besuar që do t’i ndryshoja gjërat, se do ta ndryshoja Kosovën. Ajo që u bë e qartë nga Gjykata Speciale është se ajo është etnike, është gjykatë ku procesi dhe rezultati është i kontrolluar krejt e painteresuar për drejtësinë.” – u shpreh ai.

“Kur iu bashkova misionit në Bosnje, ishte gjykatës i gjykatës shtetërore në Bosnje për katër vjet para se të vija në Kosovë dhe kam punuar në shumë raste kriminale. Kjo është pedigreja ime, e kualifikimet e mia. Dhe kur aplikova për misionin e EULEX-it u intervistova nga presidenti i atëhershëm i gjykatësve. Ata e dinin se çka kisha punuar unë. Dhe ata më zgjodhën.” – foli Simmons.

“Kemi pasur gjyqtarë nga Bullgaria e Rumania që kishin punuar në gjykatat e trafikut e që nuk kishin eksperiencë relevante. Keni pasur gjyqtarë që merreshin me krime serioze të luftës në EULEX.

Deputetja e Listës Vjosa po ashtu foli në komisionin në fjalë.

“Ka pasur bashkëpunim mes prokurorëve të EULEX-it dhe prokurorëve të Serbisë. A është ndjekur rregulli i BE-së për këto raste?” – e pyeti znj. Doarsa Kica Xhelili.

Simmons deklaroi se e dinte që “dosje të shumta iu dhanë prokurorëve serbë. Se prokurorë ndërkombëtarë ishin takuar me prokurorët serbë në Beograd. Unë do t’ju ftoja për të folur me Maria Bamiehun, sepse ajo ka punuar në kohën kur janë dorëzuar ato dosje. Shkurtimisht dua të kthehem te të pandehurit serbë. Ka pasur vëmendje të madhe në EULEX që të qiteshin në gjyq ish ushtarët e UÇK-së por jo edhe të pandehurit serbë. Kam pasur dyshimet e mia pse kjo nuk po ndodhte. Por, kjo duhet të bëhet. Nëse do të isha qytetar i Kosovës nga Peja a Prizreni do të mendoja: pse vetëm shqiptarët e Kosovës po persekutohen? Kur shikoni krimet dhe mizoritë që u kryen në Kosovë atëherë duhet të shtrohet pyetja: pse nuk ka të pandehur nga Serbia? Më shumë duhet të bëhet për të sjellë drejtësi për viktimat në Kosovë.” – deklaroi ai.