4 orë më parëPasardhësi i Merkelit kërkon falje pasi u pa derisa bënte shaka në vendin e shkatërruar nga përmbytjet
Periskopi(5 vite më parë)
(5 vite më parë)Pas përmbytjeve të reja shkatërruese në Austri, Bavari dhe në lindje të Gjermanisë, njeriu me gjasat më të mëdha për ta pasuar Angela Merkelin në pozicionin e kancelarit, Armin Laschet u detyruar të kërkonte falje për shakatë që po bënte në një situatë katastrofale. Përmbytjet i kanë marrë jetën më shumë se 150 njerëzve. Në […]
Përmbytjet i kanë marrë jetën më shumë se 150 njerëzve. Në vizitën e saj në disa prej vendeve të shkatërruara, Merkel i bëri thirrje botës që të vepronte më shpejt për të parandaluar ngjarje të tilla të rënda që besohet se po shkaktohen nga kriza klimatike.
Ajo tha që shkatërrimet ishin surreale dhe se gjuha gjermane “nuk kishte mjaftueshëm fjalë për të përshkruar katastrofën”, raporton Guardian, përcjell Periskopi.
Por, në disponim krejt tjetër dhe të papranueshëm ishte Armin Laschet që pritet të bëhet kancelar pas Merkelit qysh në shtator.
Pasi vizitoi qytetin e shkatërruar të Erfstadit, Laschet u kap nga kamerat duke bërë shaka me kalimtarët ndërsa presidenti gjerman Frank Walter Steinmeier në mënyrë solmene po i adresohej popullit.
Laschet postoi kërkim-faljen e tij në Twitter duek thënë “Fati i atyre që janë prekur, për të cilët dëgjuam në shumë biseda, është i rëndësishëm për ne. Kështu që kërkoj falje dhe jam penduar. Ajo ishte sjellje e papërshtatshme dhe kërkoj falje.” /Periskopi
