Numrat: Jeta në Afganistan pas largimit të Amerikanëve – Talibanët tashmë kanë pushtuar 1/3 e vendit

Si e ka ndryshuar lufta Afganistanin, dhe çka do të ndodh tash?

A po kthehen Talibanët?

Talibanët – një grup fondamentalist islamik – u larguan nga pushteti kur forcat e udhëhequr nga Amerika invaduan më 2001. Zgjedhjet demokratike presidenciale dhe një kushtetutë e re ishin vendosur menjëherë, por Talibanët nuk hoqën dorë.

Tash, me tërheqjen e trupave të fundit amerikane, grupi po rimerr shumë distrikte, ku po rivendos ligjin e Sheriatit.

Më poshtë keni hartën e Afganistanit. Me të kuqe janë zonat që kontrollohen nga Talibanët, me të kaltër ato që kontrollohen nga Qeveria dhe me të verdhë zonat ku ka luftime për t’i shtënë nën kontroll.

Situata në terren është shumë fluide, dhe ka qasje të kufizuar në shumë pjesë të vendit çka e bën të vështirë edhe verifikimin e raportimeve.

Sa njerëz kanë vdekur prej vitit 2001?

Njëzet vjet të luftimeve i kanë lënë mijëra luftëtarë të vdekur në të dyja palët në Afganistan dhe përgjatë kufirit me fqinjin Pakistan. Civilët po ashtu janë kapur në konflikt – duke vdekur në koalicion.

Më poshtë keni numrin e viktimave.

Numri i civilëve të vrarë në tre muajt e parë të vitit 2021 ishte “shumë më i lartë” se një vit më parë.

Gratë dhe fëmijët përbëjnë 43 për qind të viktimave civile në Afganistan më 2020.

A mund të shkojnë vajzat në shkollë?

Rënia e regjimit të tmerrshëm Taliban bëri ndryshime të mëdha dhe progres të madh në të drejtat dhe liritë e grave.

Në vitin 1999 nuk ka pasur asnjë vajzë të vetme të regjistruar në shkollën sekondare dhe vetëm nëntë mijë ishin në shkollën fillore.

Por deri në vitin 2003, 2.4 milionë vajza ishin në shkollë. Ajo shifër tash është diku 3.5 milionë. /Periskopi