“Nuk paska ndjenjë më të keqe, kjo disfatë në finale do të më dhemb sa të jem gjallë”

Harry Kane ka thënë se dhimbja nga disfata e Anglisë në finale të Euro 2020 kundër Italisë në penallti nuk do t’iu zhduket lojtarëve anglezë gjatë gjithë karrierës së tyre, duke e përshkruar atë si ndjesinë më të keqe në botë.

Anglia u mund 3:2 në penallti pas një barazimi 1:1 gjatë 120 minutave, me Marcus Rashford, Jadon Sancho dhe Bukayo Saka që dështuan nga pika e bardhë.

Anglia ishte në kërkim të trofeut të parë të madh pas 55 viteve, që prej triumfit në Kupën e Botës më 1966.

Kjo ishte finalja e parë në një Kampionat Evropian për Anglinë, po ashtu.

Duke folur pas ndeshjes, sulmuesi i Tottenhamit tha: “Nuk kam mundur të jap më shumë. Djelmoshat nuk kanë mundur të japin më shumë”.

“Penalltitë janë ndjesia më e keqe në botë kur humb. Nuk ishte nata jonë, por ky ka qenë një turne fantastik dhe ne duhet ta mbajmë kokën lart”.

Ai shtoi: “Natyrisht se do të na dhemb tani. Do të na dhemb për një kohë. Por ne jemi në rrugën e duhur dhe jemi duke u rritur dhe shpresojmë se do të përparojmë vitin e ardhshëm”.