Motra e vrasësit të dyshuar të presidentit të Haitit: Më çoi mesazhe pas ndodhisë, ai është njeri i mirë

Duberney Capador, një anëtar i pensionuar i forcave speciale të Kolumbisë, ishte njëri prej dy kolumbianëve që raportohet se u vranë nga forcat e sigurimit hiatin javën e kaluar pas vrasjes së presidentit Joevnel Moise në Port-au-Prince.

Dhjetëra qytetarë nga Kolumbia janë arrestuar deri tash, bashkë me dy haito-amerikanë, raporton Guardian, përkthen Periskopi.

Autoritetet e Haitit pretendojnë se Capadori ishte pjesë e një ekipi 28 anëtarësh vrasësish që hynë me dhunë në rezidencën presidenciale të Moisesë në orët e para të së mërkurës para se ta vrisnin.

E motra e Capadorit iu tha gazetarëve që vëllai i saj 40 vjeçar nuk ishte një vrasës i paguar por kishte udhëtuar në Port-au-Prince pasi ishte punësuar në një firmë private sigurimi që ruante “njerëz të rëndësishëm”.

“Ai nuk është mercener, ai është njeri i mirë,” tha Jenny Capador në një intervistë.

Ajo tha se kishte shkëmbyer mesazhe me të vëllain në orët e para pas vrasjes së presidentit të Haitit.

Ajo tha që i vëllai i kishte thënë se ekipi i tij “kishte arritur shumë vonë për ta mbrojtur personin që duhej ta mbronin”.

“Ma merr mendja se bëhej fjalë për presidentin,” spekuloi ajo.

Një raportim nga magazina kolumbiane Semana duke cituar burime anonime thoshte se ish ushtarët kolumbianë kishin shkuar në Haiti pasi ishin punësuar për ta mbrojtur presidentin, dhe jo për ta vrarë. /Periskopi