5 orë më parëKurti thotë se Vuçiq po gënjen që ai nuk u pajtua për deklaratën mbi përmbajtjen ndaj rritjes së tensioneve
Periskopi(5 vite më parë)
(5 vite më parë)Kryeministri i Kosovës, Albin Kurti, ka deklaruar se presidenti i Serbisë Vuçiq ka gënjyer kur kishte thënë që pala kosovare kishte refuzuar të pajtohej për një deklaratë mbi paqen. I pyetur për t’i komentuar deklaratat e Vuçiqit se Kurti nuk u pajtua për disa çështje, dhe njërën veçanërisht atë të deklaratës ku palët zotohen të […]
I pyetur për t’i komentuar deklaratat e Vuçiqit se Kurti nuk u pajtua për disa çështje, dhe njërën veçanërisht atë të deklaratës ku palët zotohen të përmbahen nga veprimet që mund të krijojnë tensione në terren, Kurti tha se Vuçiq po gënjen.
“Kjo është gënjeshtër. Pra, ai që ua ka thënë këtë… Ai po gënjen. Përkundrazi, ne kemi kërkuar që të futet edhe fjala paqe dhe stabilitet, jo vetëm siguri”, tha Kurti para gazetarëve në Bruksel.
Ai shtoi se nuk është e lehtë të dialogosh me palën serbe, ndërsa tha se Serbia s’është e gatshme të përballet me të kaluarën.
Kurti akuzoi Vuçiqin edhe se nuk donte që të ballafaqohej me të kaluarën pasi kishte refuzuar togfjalëshin në fjalë në një deklaratë që pritej të kishte nënshkrimin e të dyve për të mos nxitur tensionet në terren. /Periskopi
