Jasht temës: Në Kuvend po ‘shtyhen’ se kush do t’i fitojë zgjedhjet lokale

Deputetët e Kuvendit të Kosovës, janë duke replikuar me njëri tjetrin për projekte nëpër komuna, ku pozitë e opozitë po akuzojnë njëra tjetrën për mungesë investimesh.

Madje kjo ka shtyrë edhe kryeparlamentarin Glauk Konjufca, që ta tërheq vërejtjen për këtë.

“Nëse nje qytetar i Kosovës, e lëshon Kuvendin me e këqyrë këtu, nuk e din që e kemi temën për marrëveshje ndërkombëtare”, ka thënë Konjufca vec tjerash, shkruan Periskopi.

LDK ka akuzuar VV-në për mosvotimin e Impantit të Ujërave të zeza duke e akuzuar partinë e Kurtit se ‘luftën e ka me Lutfi Hazirin’. Vetëvendosje ka thënë se do ta përsëris suksesin e 14 shkurtit edhe në zgjedhjet e ardhshme lokale, e nga PDK patën replika me Vetëvendosjen për Prizrenin./Periskopi/