8 orë më parëHykmete Bajrami: Albin, qytetarët nuk ju votuan t’i gjobitni nga 5 euro
Periskopi(5 vite më parë)
(5 vite më parë)Ish ministrja e Financave, Hykmete Bajrami, ka reaguar pas raportimit të Periskopit në lidhje me “tiketat ngjitëse” duke akuzuar kryeministrin Kurti se qytetarët nuk e votuan që t’i gjobitnin nga pesë euro për çdo regjistrim të veturave. “Kam pritur se kundër taksës së re prej 5 euro do të dalin të gjithë deputetët e Vetëvendosjes. […]
“Kam pritur se kundër taksës së re prej 5 euro do të dalin të gjithë deputetët e Vetëvendosjes. Natyrisht, edhe kam pritur reagim nga Albin Kurti, i cili si Kryeministër po gjen kohë për gjithçka – për takime me Vucicin, për shëtitje në Athinë – por jo për hallet e qytetarëve”.
Ajo ndër të tjera ka thënë se përveq Kryeministrit Kurti po heshtë edhe Presidentja Osmani, shkruan Periskopi.
“Madje, po heshtë edhe Presidentja fuqiplotë e Republikës, zonja Osmani, e cila në vizitën e saj zyrtare si UD presidente e pati kritikuar rëndë Ramën për taksën rrugore, e cila po ashtu është 5 Euro.”
“Pra, pushteti i Vetëvendosjes që premtonte edhe heqjen e taksës rrugorë të Shqipërisë, tash çohen e iu vendosin dënime qytetarëve prej 5 euro për një letër ngjitës.
Vetëvendosje dhe pushteti i Albin Kurtit premtonte luftë kundër krimit dhe korrupsionit ndërsa tash po japin shumicën e tenderëve pa i respektuar procedurat. Herë, herë po ua japin tenderët edhe ish-punëdhënësve të zyrtarëve të Vetëvendosjes.”
Bajrami ka kujtuar edhe kohën kur Kurti premtonte luftë kundër varfërisë megjithatë sot sipas saj ka nisur të kujdeset për oligarkët.
“Vetëvendosje dhe Albin Kurti premtonin luftë kundër varfërisë ndërkohë sot kanë nisur të kujdesen për oligarkët.
Dikur thonin se kushërinjtë janë për dasma e sot janë ulur këmbëkryq në institucione kushërinjtë, nipat e mbesat.
Për çdo ditë, Vetëvendosje dhe Albin Kurti po e dëshmojnë se i kanë mashtru votuesit e posaçërisht pleqtë, mjekët, fëmijët.
Kryeministër kur do të takoheni me Aleksander Vuciqin?”.
Postimi i plotë:
