Flet për Periskopin i helmuari në Deçan: Dyshon në ujin e pijshëm

Dy persona kanë vdekur ndërsa rreth 900  të tjerë kanë kërkuar ndihmë mjekësore në QKMF-në e  Deçanit, pasiqë dyshohet se kanë pësuar helmim nga konsumimi i ujit në disa fshatra të kësaj komune.

Të gjithë këta persona janë ankuar për simptoma të njejta si: vjellje, diarre e marramendje.

Njëri prej tyre i ka treguar Periskopit për gjendjen e tij shëndetësore.

Mushkolaj nga fshati Gramaçel i Deçanit i ka treguar Periskopit se derisa po qëndronte për fundjavë në fshatin e lindjes, kishte konsumuar ujë dhe të nesermen gjendja e tij shëndetësore është përkeqësuar.

„ Të shtunën kam komsumuar ujë nga ujësjellësi në Gramaqel, e simptomat e para të helmimit i kam ndjerë të dielën për të vazhduar të njêjtat edhe tê hênên“, tha Mushkolaj

Fatmirësisht Mushkolaj ka arritur që të trajtohet në shtëpi dhe gjendja e tij shëndetësore është përmirësuar shumë shpejtë“

„Jo nuk kam kërkuar tretman, nuk kam konsumuar ushqim nje ditê të plotê dhe kam pêrdorur lactis. Pêr momentin jam mê mirë“, tha ai.

Mushkolaj nuk beson që përkeqësimi i gjendjes shëndetësore të ketë shkak tjetër, meqë thotë se nuk ka konsumuar diçka tjetër që mund të i ketë shkaktuar helmim.

„Mendoj se po, pasi nuk kam konsumuar asgje tjeter qe mund te mê kene shkaktuar helmim“, tha ai.

Kujtojmë se Prokuroria në Pejë ka nisur hetimet për vdekjen e dy personave në Deçan të cilët dyshohet se humbën jetë si shkak i helmimit.

Kryetari i Komunës së Deçanit Bashkim Ramosaj, ka deklaruar se rastet e kanë shtyrë të mendojë se  helmimi është i qëllimshëm.

Ramosaj ka bërë të ditur se në bazë të Ligjit për Vetëqeverisje Lokale dhe Ligjit për Parandalimin dhe Sëmundjeve Ngjitëse të Statutit të komunës së Deçanit ka marrë vendim që të shpallet gjendje emergjente në tërë territorin e kësaj komune./Periskopi/