Flet babai i të vrarit në Viti: Që dy vite e kam pritë me ardhë, erdh me shku në arkivol

Sipas babait, Isa Rama, djali i tij kishte ardhur para katër dite në Kosovë, dhe se kishte punuar me vëllain e dorasit, me të cilin kishin pasur një zënkë të vogël, por jo për të përfunduar me fatalitet

“Detajet tani po i mësojmë, por diçka konkrete nuk kemi pasur, jemi familje e qetë nuk kemi pasur qasi ngjarje, kanë punu jashtë bashkë më vëllain e tij, kanë pasur njëfarë zënkë të vogël dhe kur kanë ardhur këtu, unë nuk kam pasë njohuri për kaq incident të rëndë me fatalitet, por qe qysh na përcjell gëzimi, dhe na shndërrohet ne tragjedi. I kam prit që dy vite me ardhe, e me erdh për me shku në arkivol”, tha babai i Viktimës në Kanal10.

Tutje Isa tregon se kishe biseduar me Arbnorin, por se ky ishte një problem i vogël, i thjeshtë.

“Problem i vogël i thjeshtë kurrgjë diçka i theksueshëm jo , problem aty për aty, kemi bisedu, i kam thanë është shumë problem i vogël as mos e diskuto këtë punë se sja vlenë, unë du me ardhë në pushim, merre nusen edhe du pushim të qetë, edhe ka ardhë, që katër ditë, dje i  ka ardhë gruaja, sot në arkivol.

Isa tregon se nuk e ka ditur që Arbnori, do të takohet me dorasin

“Nuk e kam ditë që Arbnori, do të takohet me dorasin, sepse ka qenë problem i vogël, dhe se nuk ka bisedu për këtë, e jo me dalë me u gjuajt me dy tri kerre sikur në Teksas, dhe dhashtë zoti rasti i fundit koft”, tha Rama.

Në fund Rama tha se pret nga institucionet të kryejnë punën e vetë.