​Përçarja: Lista Guxo aplikon si iniciativë qytetare për zgjedhjet në Ferizajt

Lista Guxo në qytetin e Ferizajt ka aplikuar për regjistrim në KQZ si iniciativë qytetare për zgjedhjet lokale të këtij viti.

Këtë e bëri të ditur Vesa Xharra nga Zyra për Regjistrim dhe Certifikim në mbledhjen e sotme të KQZ-së.

Kujtojmë se kjo degë e Guxo në Ferizaj, së fundmi ka shprehur pakënaqësi të mëdha me figurat e larta të saj.

Sot, kryetari i saj Balton Derguti, ka akuzuar Haxhi Avdylin për gënjeshtra dhe se ‘ka punësuar familjarë në institucione’.

Reagimi i plotë i sotëm i ‘Guxo’ në Ferizaj:

Si duket Haxhi Avdyli ende nuk e ka kuptuar se duke gënjyer dhe manipuluar elektoratin dhe qytetarët nuk mund të ecet përpara, gënjeshtra vonon por del në shesh.

Ta promovosh politiken e liderit historik Ibrahim Rugova dhe të grumbullosh vota te qytetarët me këtë premtim se do ta vazhdosh rrugen e tij dhe pastaj të veprosh komplet të kundërtën duke tentuar me çdo kusht ta humbësh frymën rugoviane dhe besimin e qytetarëve që besojne në politikat e djathta dhe pastaj të punosh për shuarjen e frymës rugoviane dhe transferimin e vullnetit të votuesve te subjektet që përfaqesojne të majtën duke e tradhëtuar elektoratin në menyrën më të paskrupullt këte mund ta bëj vetem një politikan që aksidentalisht mbanë pozite deputeti e i tillë është Haxhi Avdyli i cili prapë po e potencoj se është njeriu që ka punësuar familjar në institucione duke shkelur të gjitha premtimet e fushates zgjedhore .

Sa për poziten e Zëvendësministrit ka me shumë se një muaj që e kam në dispozicion, e te cilën e kam refuzuar kategorikisht, madje një ofertë e tillë më është bërë edhe dje dhe sot kur po e jap këtë deklaratë , mbase Haxhiun se kanë informuar shokët e tij, por lufta ime nuk ka të bej me interesin tim personal, por jam nisur në shërbim të mbrojtjes së votuesve tonë, subjektit tonë dhe mbajtjes së premtimeve që i kemi dhënë në fushatë.

E kuptoj se Haxhi Avdyli nuk e ka problem të bëj devijime ,por unë asnjëherë as për pozitë Zv. Ministri dhe për asnjë interes tjetër nuk do të devijoj nga rruga e Presidentit Historik Dr. Ibrahim Rugova sepse me këtë premtim i kemi marrur votat tek elektorati ynë .

Për t’i ballafaquar argumentet e ftojë publikisht Haxhi Avdylin në debat publik në cilin do medium televiziv nacional.

Balton Derguti

Kordinator

Lista Guxo, Ferizaj