2 orë më parëHelmimi i qytetarëve në Deçan, presidentja Osmani urgjentisht kërkon hetim
Periskopi(5 vite më parë)
(5 vite më parë)Presidentja Vjosa Osmani pas lajmit shqetësues për helmimin e një numri të madh të qytetarëve të komunës së Deçanit, ka thënë se një hetim nga organet e drejtësisë është i domosdoshëm dhe duhet të trajtohet me urgjencë. Osmani pas lajmit shqetësues për helmimin e një numri të madh të qytetarëve të komunës së Deçanit, ka […]
Osmani pas lajmit shqetësues për helmimin e një numri të madh të qytetarëve të komunës së Deçanit, ka biseduar me Ministrin e Shëndetësisë, Arben Vitia, si dhe kryetarin e komunës së Deçanit, Bashkim Ramosaj, të cilët e kanë njoftuar për gjendjen e qytetarëve të helmuar dhe masat që janë marrë nga niveli qendror dhe komunal për t’ju qëndruar pranë qytetarëve të prekur.
“Pres nga të gjitha institucionet angazhim të mëtejmë e të plotë në ofrimin e trajtimit adekuat shëndetësor për qytetarët e helmuar, si dhe zbardhjen e shkaqeve që kanë çuar në helmimin e qytetarëve. Një hetim nga organet e drejtësisë është i domosdoshëm dhe duhet të trajtohet me urgjencë. Qytetarëve të helmuar ju uroj shërim sa më parë dhe tejkalim të kësaj situate pa pasoja. Si Presidente e Republikës do të mbaj kontakte me të gjitha institucionet qendrore dhe komunale për t’u informuar lidhur me masat e ndërmarra për adresimin e këtij rasti shqetësues për shëndetin e qytetarëve tanë”, ka shkruar ajo.
