4 orë më parëE turpshme: Softveri i spiunazhit u shit te disa Qeverive autoritare për të përgjuar gazetarë e aktivistë
Periskopi(5 vite më parë)
(5 vite më parë)Aktivistët e të drejtave të njeriut, gazetarët dhe avokatët në mbarë botën janë shënjestruar me një softver të spiunazhit për telefona që i është shitur qeverive autoritare nga një firmë izraelite mbikëqyrëse. Gjithë këta njerëz ishin në listën e 50 mijë numrave të telefonit të njerëzve që besohet se ishin në listën e klientëve të […]
Gjithë këta njerëz ishin në listën e 50 mijë numrave të telefonit të njerëzve që besohet se ishin në listën e klientëve të kompanisë, NSO, që rrodhi më herët në disa mediume të mëdha botërore.
Nuk dihet se nga erdhi lista – apo nëse telefonët përnjëmend janë hakuar, raporton BBC, përkthen Periskopi.
NSO ka mohuar çfarëdo keqbërje.
Aty thuhet që softveri në fjalë kishte për qëllim të përdorej kundër kriminelëve dhe terroristëve dhe se në të ka pasur qasje vetëm për ushtrinë, forcat e rendit dhe agjencitë inteligjente nga shtetet me rekord të keq në të drejta të njeriut.
Në një deklaratë, aty thuhet se hetimi fillestar që çoi te raporti, “ishte plot me supozime të gabuara”.
Pretendimet për përdorimin e këtij softveri të njohur si Pegasus u publikuan të dielen në Washington Post, The Guardian, Le Monde dhe 14 organizata tjera mediale në mbarë botën.
Pegasusi infektonte iPhone-t dhe Androidët që të lejonin operatorët të ekstraktonin mesazhet, fotografitë dhe emailet, thirrjet telefonike dhe i aktivizonin mikrofonë sekretë.
Besohet që 180 gazetarë të ishin në listë, nga organizata si Agence France-Presse, CNN, the New York Times, Al Jazeera e të tjera.
Ato përfshijnë edhe dy gra në lidhje të afërt me gazetarin saudit Jamal Khasshogi dhe një gazetar meksikan me emrin Cecilio Pineda Birto që ishte vrarë në një autolarje. /Periskopi
