5 orë më parëE turpshme: Bërnabiq thotë se zyrtarët serbë nuk e kanë vendin në Srebrenicë pa u ndjekur penalisht personat që sulmuan Vuçiqin
Periskopi(5 vite më parë)
(5 vite më parë)Kryeministrja e Republikës së Serbisë, Ana Bërnabiq, ka deklaruar se në vitin 1995 në Srebrenicë ka ndodhur një “krim i tmerrshëm” por ka shtuar se zyrtarët e Serbisë nuk e kanë vendin në ngjaret përkujtimore të atjeshme, derisa të mos ndiqen penalisht personat që sulmuan kryeministrin e Serbisë Aleksandër Vuçiq gjashtë vjet më parë. Në […]
Në Bosnje dhe Hercegovinë sot u shënua përvjetori i 26-të i gjenocidit në Srebrenicë.
Mbi 8,000 burra dhe djem myslimanë u vranë në korrik të vitit 1995 nga forcat serbe të Bosnjës.
“Derisa nuk dalin para drejtësisë të gjithë ata që sulmuan presidentin e Serbisë, Aleksandar Vuçiq – atëherë kryeministër – i cili shkoi në Srebrenicë për të shprehur respekt për viktimat dhe popullin boshnjak, ne, zyrtarët, nuk e kemi vendin atje”, tha Bërnabiq për Televizionin Prva të Serbisë.
Sipas saj, është “skandal” që askush nuk ka dhënë përgjegjësi për sulmin ndaj Vuçiqit, çfarë do të thotë se “diçka e tillë mund të ndodhë përsëri”.
“Shpreh keqardhje të madhe, sepse një krim i tmerrshëm ka ndodhur në Srebrenicë dhe nuk kam asnjë problem të shpreh respekt për të gjitha viktimat”, tha Bërnabiq.
Në korrik të vitit 2015, Vuçiq mori pjesë në përkujtimin e viktimave të gjenocidit në qendrën përkujtimore Potoçari në Srebrenicë, ku disa pjesëmarrës, të pakënaqur me praninë e tij, hodhën shishe plastike dhe sende të tjera në drejtim të tij.
Gjatë luftës në Bosnje në vitet 1990, Vuçiq ishte zyrtar i Partisë Radikale Serbe, e cila kishte formacionet e saj paraushtarake në fushat e betejës në Bosnje dhe Hercegovinë dhe Kroaci.
Vuçiq ishte pjesë e kësaj partie deri në vitin 2008, kur formoi Partinë e tij Përparimtare Serbe, e cila sot mban pushtetin në Serbi.
