Dy ferizajas kapen për ujësjëllsin, njëri e godet me tërfurk, tjetri me dy grushte në kokë

Mollë sherri është bërë kyçja në rrjetin e ujësjellësit. Ata e kanë kapur për fyti njëri-tjetrin dhe më pas ka nisur rrahja, ku është përdorur edhe një mjet pune.

“Pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake e Divizionit Penal – Mimoza Shabani, ka vërtetuar faktin se ekziston dyshimi i bazuar mirë, se të pandehurit dyshohet se në bashkëkryerje i kanë shkaktuar lëndim të rëndë trupor të dëmtuarit B.A. për shkak të një mosmarrëveshje të atëçastshme për shkak se i njëjti u ka zënë rrugën me bagëti, ku të pandehurit ndalen në vendin e ngjarjes, dhe i pandehuri i parë i drejtohet të dëmtuarit me fjalë se ‘kush je ti që po ju tregon fshatarëve mos të kyqen në rrjetin e ujësjellësit’, duke e kapur për fyti ku pastaj e godet me mjetë pune – tërfurk, mjet i përshtatshëm për shkaktimin e lëndimit trupor, pastaj i pandehuri i dytë e godet me grushta në kokë, të cilat lëndime janë të përshkruara në Raportin mjekësor Spitali i Përgjithshëm – Qendra Emergjente në Ferizaj të datë 12 korrik 2021”, thuhet në komunikatën e Gjykatës.

Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit S.M., e ka aprovuar si të bazuar dhe të njëjtit i është caktuar masa e paraburgimit në kohëzgjatje prej një muaj, ndërsa ka refuzuar kërkesën për caktimin e masës së paraburgimit për të dyshuarin F.M. dhe të njëjtit i është cakuar masa e arrestit shtëpiak.

Ankesa kundër këtij aktvendimi nuk e shtynë ekzekutimin e tij.