Ditë zie për viktimat e vërshimeve në Belgjikë, flamujt ulen në gjysmështizë

Flamujt në të gjithë Belgjikën u ulën në gjysmështizë të martën duke shënuar fillimin e një dite kombëtare zie për viktimat e përmbytjeve vdekjeprurëse në Evropën Perëndimore.

Flamujt e Belgjikës dhe Bashkimit Evropian jashtë Parlamentit Federal të Belgjikës dhe zyrës së kryeministrit në Bruksel u ulën në gjysmë shtizë në orën 07:00 të mëngjesit.

Të paktën 196 njerëz kanë vdekur nga shiu i madh që ra në Gjermaninë perëndimore, Belgjikën lindore dhe Holandë ditët e fundit, raporton AP, transmeton Klankosova.tv.

Ato përfshinin 117 vdekje të konfirmuara në rajonin gjerman të prekur më keq, Rheinland-Pfalz, ndërsa 47 vdiqën në Nordrhein-Westfalen dhe të paktën një në Bavari.

Numri i të vdekurve në Belgjikë ishte 31.

Autoritetet thanë se kishte të ngjarë të gjenin më shumë viktima mes shtëpive të shkatërruara ndërsa vazhdonte një operacion për të tërhequr viktimat, transmeton Klankosova.tv.