Deputetët e VV-së ia ndërprejnë fjalimin Behgjet Pacollit: S’po flas pra, të pa-edukuar

Behgjet Pacolli ka marrë fjalën në Kuvend, për të folur për shkatërrimin e ambientit në Kosovë. Mirëpo deputetët nuk e lanë të flisnin duke bërë zhurmë. E Pacolli hoqi dorë nga fjala e tij.

‘Po e shoh se keni probleme mes vete këtu, por ato po mbesin këtu pa rezultat, e unë jam njeri i rezultateve, nuk shoh rezultate nga këto takime që keni këtu. Natyra e Kosovës, ky kopsht që Perëndia e ka falë për njerëzit që jetojnë këtu, është duke u shkatërru, nuk e di a i bjen dikujt ndërmend që të diskutojë për këtë gjë, malet shkatërrohen, kur ka të reshura ka edhe vërshime të mëdha’, ka thënë Pacolli, shkruan Periskopi.

‘Po më duket, edukatë është më degju, thotë Pacolli teksa dikush i ndërhynte në fjalim.

‘Ne sot jemi të njohur me njerëz që jetojnë në harmoni me mbeturinat. Unë po ndalem kryesuese dhe nuk e mar asnjëherë fjalën me njerëz të pa edukuar’, tha ai./Periskopi/