5 orë më parëDANAS: Amerika vlerëson lart Avdullah Hotin – Impresionohet edhe nga Kurti dhe shokohet nga Vuçiq
Periskopi(5 vite më parë)
(5 vite më parë)Gazeta e përditshme serbe Danas ka raportuar sot se një përfaqësues jozyrtar diplomatik nga Washingtoni se “ShBA-ja është e impresionuar nga demokracia e Kurtit, ndërsa e shokuar nga autoritarizmi i Vuçiqit”. Siç ka mësuar Danas, presidenti i Republikës së Serbisë është kritikuar nga Departamenti Amerikan [DASh] ndër tjerash edhe për “mungesën e sensit për dialog […]
Siç ka mësuar Danas, presidenti i Republikës së Serbisë është kritikuar nga Departamenti Amerikan [DASh] ndër tjerash edhe për “mungesën e sensit për dialog me kundërshtarët politikë, kontrollin e tepruar në media” si dhe për “deklaratat ndezëse të bëra shpesh nga ai dhe disa bashkëpunëtorë për fqinjtë e Serbisë në Ballkanin Perëndimor”.
Për Kurtin pretendohet se ai gëzon mbështetjen amerikane “në shumicën e segmenteve” megjithëse konsiderohet si një “bashkëbisedues më i pakëndshëm” i Amerikës se sa Avdullah Hoti, para-ardhësi i tij në detyrën e kryeministrit.
Në atë kontekst, theksohet se “Kurti dëshiron atë që përfaqëson administrata e Biden – që Kosova të marrë njohje nga Serbia”.
Sipas Danas Departamenti i Shtetit Amerikan ende jo zyrtarisht pretendon se Matthew Palmer nuk do të qëndrojë për një kohë të gjatë në pozicionin e Zëvendës Ndihmës Sekretarit të Shtetit në të ashtuquajturën “Byroja Evropiane”, që do të thotë se ai do të lirohet nga detyrat e tij si Përfaqësues Special për Ballkanin Perëndimor.
Siç shpjegon ky burim për Danas “Karen Donfried, e cila do të emërohet Ndihmëse Sekretare e Shtetit e SHBA-së për Evropën dhe Euroazinë, e cila me siguri do të zgjedh një ekip të ri, duke përfshirë një përfaqësues të veçantë për Ballkanin Perëndimor”.
