2 orë më parëBislimi njoftoi popullin në Facebook për takimet në Bruksel, Krasniqi ia bën 8 pyetje
Periskopi(5 vite më parë)
(5 vite më parë)Jeta Krasniqi nga KDI e ka kritikuar zëvendëskryeministrin Besnik Bislimi që sot përmes rrjeteve sociale ka njoftuar për takimet me palën serbe në Bruksel dhe temat që janë diskutuar Krasniqi përmes një postimi në rrjete sociale ka thënë se “Facebook transparenca nuk mjafton”, duke shtuar se ka ende shumë pyetje që kërkojnë përgjigje. Ajo ia […]
Jeta Krasniqi nga KDI e ka kritikuar zëvendëskryeministrin Besnik Bislimi që sot përmes rrjeteve sociale ka njoftuar për takimet me palën serbe në Bruksel dhe temat që janë diskutuar
Krasniqi përmes një postimi në rrjete sociale ka thënë se “Facebook transparenca nuk mjafton”, duke shtuar se ka ende shumë pyetje që kërkojnë përgjigje.
Ajo ia ka nisur Bislimit tetë pyetje për dialogun.
Krasniqi ka thënë se Bislimi duhet të tregojë se cilat janë marrëveshjet e identifikuara nga pala kosovare si marrëveshje që nuk janë zbatuar nga pala serbe dhe e kundërta.
Tutje, ka thënë se duhet të bëhet e ditur se çka kërkon pala kosovare që të bëhet me këto marrëveshje e çka do të ndodhë me marrëveshjet e arritura tashmë në kuadër të dialogut.
“A ka pasur nje diskutim apo dakordim se si te zhbëhen institucionet e tjera paralele serbe ne Kosove – per te cilat nuk ka marrëveshje psh. shendetesia, arsimi, sistemi postar etj. A kane arritur palet nje dakordim se si do te ecet tutje me kete proces? Kur pritet takimi i radhës ne kete nivel?
Për me tepër, a do te jene këto tema diskutimi dhe ne takimin e nivelit te larte ne nivel te Kryeministrit Kurti qe pritet te mbahet me 25 korrik?”, tha ajo.
Krasniqi shkruan:
Facebook transparenca nuk mjafton.
Ka ende shume pyetje qe kerkojne pergjigje.
Disa prej tyre jane:
1. Cilat jane marreveshjet e identifikuara nga pala kosovare si te pazbatuara nga pala serbe?
2. Cilat jane marreveshjet e identifikuara nga pala serbe si te pazbatuara nga pala kosovare – pervec marreveshjes se asociacionit?
3. Cfare ka kerkuar pala kosovare te behet me keto marreveshje? A ka kerkuar rinegocim te tyre? Zbatim te tyre? Apo zhberje te tyre?
4. Pra, cfare do te ndodh me marreveshjet tashme te arritura te dialogut?
Ne anen tjeter,
5. A ka pasur nje diskutim apo dakordim se si te zhbehen institucionet e tjera paralele serbe ne Kosove – per te cilat nuk ka marreveshje psh. shendetesia, arsimi, sistemi postar etj.
6. A kane arritur palet nje dakordim se si do te ecet tutje me kete proces?
7. Kur pritet takimi i rradhes ne kete nivel?
8. Per me teper, a do te jene keto tema diskutimi dhe ne takimin e nivelit te larte ne nivel te Kryeministrit Kurti qe pritet te mbahet me 25 korrik?
Natyrisht dhe shume e shume pyetje te tjera, te cilat z. Bislimi do duhej te jepte pergjigje ne Kuvend te Kosoves dhe pse jo dhe ne mediume te tjera si ne diskutime me shoqerine civile dhe ne media. Kjo e gjitha per te garantuar vertet nje proces transparent, llogaridhenes dhe gjithperfshires.
