2 orë më parëAmerika shpreh shqetësimin e thellë me atë që po ndodh në Afganistan
Periskopi(5 vite më parë)
(5 vite më parë)Shtetet e Bashkuara “po ndjekin me shqetësim të thellë” situatën ndërsa kryengritësit talebanë marrin kontrollin e një pjese gjithnjë e më të madhe të territorit në Afganistan ndërsa forcat amerikane po rikthehen sipas vendimit të Presidentit Joe Biden, tha të dielën zëdhënësi i Pentagonit John Kirby. “Ky është momenti kur (trupat qeveritare afgane) të forcohen […]
“Ky është momenti kur (trupat qeveritare afgane) të forcohen dhe të mbrojnë vendin e tyre,” tha Kirby në emisionin “Fox News Sunday”. “Ky është një moment përgjegjësie.”
Për gati dy dekada, SHBA ka furnizuar Afganistanin me miliarda dollarë armë për t’u mbrojtur, por me vendimin e Biden për të tërhequr trupat amerikane nga vendi deri më 31 gusht, kontrolli i vendit është gjithnjë e më i pasigurt.
Kryengritësit talebanë thonë se ata tashmë kontrollojnë 85% të vendit, një pretendim i kontestuar. Por Kirby nuk e mohoi një vlerësim të Fox News se 13 milionë afganë jetojnë nën kontrollin e talibanëve, 10 milionë nën sundimin e qeverisë afgane dhe 9 milionë në rajone të kontestuara.
SHBA ndërhyri në Afganistan për herë të parë në 2001 për të goditur bazat ku u stërvitën terroristët e al-Kaidës për të kryer sulmet me avionët e rrëmbyer më 11 shtator ndaj Qendrës Botërore të Tregtisë të Nju Yorkut dhe ndaj Pentagonit, që shkaktuan vdekjen e gati 3’000 vetëve.
Megjithë tërheqjen e trupave amerikane, Kirby tha se komandantët amerikanë do të ishin në gjendje të këshillonin forcat afgane nga bazat e vendeve të tjera. Por forcat amerikane dhe të NATO’s janë larguar pothuajse plotësisht nga Afganistani.
