2 orë më parëAmbasada amerikane për helmimet në Deçan: Gazetarë dhe qytetarë injoroni thashethemet, pritni për faktet
Periskopi(5 vite më parë)
(5 vite më parë)Ambasada amerikane në Prishtinë, ka reaguar për helmimet e qytetarëve në Komunën e Deçanit. Në një postim në Twitter ambasada e ShBA-së ka bërë thirrje që të injorohen thashethemet dhe të pritet për faktet. Ambasada amerikane në reagim ka shkruar se nga testet e para Ministria beson se bakteriet janë shkaku i simptomave të të […]
Ambasada amerikane në reagim ka shkruar se nga testet e para Ministria beson se bakteriet janë shkaku i simptomave të të helmuarve.
“Mendimet tona janë me ata që vuajnë nga emergjenca shëndetësore në Deçan. Megjithëse do të kryhen më shumë teste, Ministria e Shëndetësisë beson se bakteret janë shkaku i mundshëm i simptomave. Gazetarë, qytetarë – injoroni thashethemet. Prisni për fakte”, thuhet në reagim.
Në mostrat e ujit të marra nga IKSHPK në Deçan janë identifikuar bakterie të cilat japin indikacione për kontaminim të ujit të pijshëm. Në këtë komunë tashmë rreth 2 mijë persona kanë kërkuar ndihmë mjekësore për shkak të helmimit. Qytetarët janë shprehur se dyshojnë që helmimi u ka ardhur nga uji.
Instituti Kombëtar i Shëndetit Publik ka bërë të ditur se në mostrat e ujit të marra me datën 12. 07. 2021 nga rajoni i Deçanit janë identifikuar disa bakterie që mund të japin indikacion për kontaminim të ujit të pijshëm.
Our thoughts are with those suffering from the health emergency in Decan/i. Although more tests will be conducted, the Ministry of Health (@MSH_GovKS) believes bacteria is the likely cause of symptoms. Journalists, citizens – ignore rumors. Wait for facts. https://t.co/ZS8PjNkOOS
— U.S. Embassy Pristina (@USEmbPristina) July 15, 2021
