5 orë më parëAbuzimi seksual i 13 vjeçares nga Janjeva: Policia nis hetimet ndaj babait të saj
Periskopi(5 vite më parë)
(5 vite më parë)Periskopi dje gjatë ditës raportoi për një rast të një 13 vjeçareje nga Janjeva e cila dyshohet se ishte viktimë e abuzimit seksual nga shumë persona për kohë të gjatë por edhe e keqtrajtimit dhe e neglizhencës nga familjarët, për çka tash është marrë një masë e re ndaj këtij rasti… Nga burime të sigurta […]
Nga burime të sigurta brenda Policisë së Kosovës, Periskopi mëson se hetim për neglizhim dhe mos përkujdesje ndaj të miturës është inicuar ndaj babait të saj, *.P, pasi dyshohet se vajza e mitur prej kohësh ishte dëbuar nga familjarët e saj. Kjo e kishte detyruar atë që të qëndronte e të flinte rrugëve dhe t’i kanosej rrezikut të madh.
Para jo më shumë se një muaji, më 16 qershor, familjarët e së miturës e kishin raportuar atë si “të zhdukur”. Pas kërkimeve të bëra, njësitet policore të Lipjanit e kishin gjetur vajzën në një shtëpi të pabanuar në gjendje të mjerueshme, e me vajzën gjetën edhe një rrëfim tronditës.
Policia e Kosovës ka konfirmuar zyrtarisht rastin, duke bërë të ditur edhe arrestimin e një 51 vjeçari të cilin po e mbajnë në paraburgim, ndërsa nuk dihet numri i personave që po dyshohen për rastin edhe pse ajo që dihet nga ekzaminimet mjekësore është se trupi i të miturës është “si të kishte kryer shumë lindje fëmijësh”.
Por si kishin nisur përjetimet tmerruese të së miturës?
E mitura e abuzuar seksualisht kishte qenë anëtare e një familjeje në kushte të rënda ekonomike dhe sociale me njëmbëdhjetë fëmijë.
Banorët e Janjevës kanë thënë se kohë pas kohe këta fëmijë kishin qenë “problematikë” për atë anë.
E mitura, sipas informacioneve të Policisë që posedon Periskopi, ishte detyruar të qëndronte rrugëve duke ju ekspozuar rrezikut të madh ndërkohë që pas një periudhe kohore kishte shkuar te axha i saj.
Por, edhe axha i saj më pas e kishte dëbuar dhe kjo e kishte detyruar që të bridhte rrugëve duke gjetur strehim vetëm nëpër shtëpi të braktisura të fshatit Janjevë.
Sidoqoftë, situata rëndohet më tej. Burime brenda Policisë i kanë thënë Periskopit se mes të dyshuarve për abuzim seksual ndaj 13 vjeçares është edhe axha i saj. Rasti është nën hetime.
Për rastin ka pasur njohuri qysh moti edhe Qendra për Punë Sociale e Komunës së Lipjanit. Të cilët kanë konfirmuar për Periskopin se 13 vjeçarja tashmë është strehuar në një strehimore në Kosovë.
Periskopi dje publikoi edhe pamjet e tmerrshme nga vendi ky dyshohet se e mitura bënte gjumin që një kohë të gjatë, por në të njëjtën kohë edhe abuzohej seksualisht.
Po ashtu, për Periskopin ka folur edhe kryetari i Janjevës, Xhevdet Konxheli i cili ka bërë të njohur rastin e vajzës por edhe gjendjen e familjes së saj./PERISKOPI/
