5 orë më parë30 ditë paraburgim për ortopedin e QKUK-së: I mori 100 euro ryshfet, i donte 300
Periskopi(5 vite më parë)
(5 vite më parë)Gjykata në Prishtinë, ajo Themelorja, i ka caktuar masën e paraburgimit prej 30 ditësh ortopedit Sabit Sllamniku. Bëhet e ditur se ai i kishte kërkuar qytetarit 300 euro për vlerësimin e invaliditetit, por u kap duke i marrë vetëm 100. Mjeku ortoped i Klinikës Ortopedike në QKUK, Sabit Sllamniku, i cili u arrestua dje nën […]
Bëhet e ditur se ai i kishte kërkuar qytetarit 300 euro për vlerësimin e invaliditetit, por u kap duke i marrë vetëm 100.
Mjeku ortoped i Klinikës Ortopedike në QKUK, Sabit Sllamniku, i cili u arrestua dje nën dyshimin se ka kryer veprën penale “Marrje të ryshfetit”, ka dalë sot para Gjykatës Themelore në Prishtinë.
Gjyqtari i procedurës paraprake pritet të vendos sot për kërkesën e Prokurorisë Themelore në Prishtinë, që Sllamnikut t’i caktohet masa e paraburgimit për 30 ditë.
Sllamniku ndodhet në ndalim policor që nga mëngjesi i djeshëm, kur u arrestua në vendin e tij të punës në QKUK, derisa u kap në flagrancë duke marrë 100 euro ryshfet nga një person në karrocë të invalidit (emër i njohur për redaksinë).
Sinjali raportoi se Sllamniku, si anëtar i Komisionit për Vlerësimin e Invaliditetit në Prishtinë, dyshohet se ia kishte kërkuar atij 300 euro për secilin anëtar të këtij komisioni, në mënyrë që t’ia bënte një vlerësim të tillë.
