5 orë më parëZyrtari i VV-së i del kundër Gërvalla Schwarzit për deklaratën haptas anti-nacionaliste
Periskopi(5 vite më parë)
(5 vite më parë)Ministrja e Punëve të Jashtme, Donika Gërvalla Schwarz, gjatë ditës së djeshme ka bërë një postim që nuk ka skandalizuar gjithë popullin si deklaratat e mëhershme, por vetëm Vetëvendosjen. Dhe reagimi i parë i ka ardhur nga zyrtari i kësaj partie, Enis Sulstarova. Krejtësisht hapur, Gërvalla Schwarz ka komentuar verdiktin final kundër Ratko Mlladiqit për […]
Krejtësisht hapur, Gërvalla Schwarz ka komentuar verdiktin final kundër Ratko Mlladiqit për gjenocid dhe krime lufte si verdikt kundër nacionalizmit.
Gërvalla Schwarz nuk ka specifikuar nacionalizmin serb në reagimin e saj, por ka dënuar çfarëdo nacionalizmi përfshirë edhe atë shqiptar, përcjell Periskopi.
Enis Sulstarova nga kjo parti nuk ka qëndruar i heshtur për këtë deklaratë si shumë figura të tjera të kësaj partie.
Ai i ka sugjeruar ministres të përdor fjalët “shovinizëm”, “fashizëm” e “racizëm” duke e shmangur përdorimin e fjalës “nacionalizëm” që ndëshkon edhe karakterin qëndror të partisë Vetëvendosje.
“Që nga krijimi i Organizatës së KOMBEVE të Bashkuara janë krijuar më shumë shtete kombëtare se më parë. Sot, më 10 qershor përkujtojmë shpalljen e parë politike të nacionalizmit shqiptar. Republika e Kosovës lindi si projekt nacionalist i shqiptarëve.” – ka shkruar z. Sulstarova.
Ky është statusi i plotë:
Donika Gërvalla duhet ta zgjerojë pak fjalorin politik vetjak. Ekzistojnë edhe fjalët “shovinizëm”, “fashizëm” dhe “racizëm”. Askund në dokumentet themelore ndërkombëtare nuk dënohet nacionalizmi si i tillë. Që nga krijimi i Organizatës së KOMBEVE të Bashkuara janë krijuar më shumë shtete kombëtare se më parë. Sot, më 10 qershor përkujtojmë shpalljen e parë politike të nacionalizmit shqiptar. Republika e Kosovës lindi si projekt nacionalist i shqiptarëve.
