6 orë më parëVV në Shqipëri rrit sulmet ndaj Edi Ramës: Abazi e quan “mbret xhungle”
Periskopi(5 vite më parë)
(5 vite më parë)VV në Shqipëri ka pësuar një debakël të madh në zgjedhjet e 25 prillit në Shqipëri, por megjithatë po vazhdon angazhimin politik në këtë vend përmes statuseve në rrjetet sociale të Internetit. Kjo ka ndodhur edhe pas nismës për shkarkimin e presidentit Ilir Meta. Ish kandidati i VV-së për deputet, Boiken Abazi, e ka quajtur […]
Ish kandidati i VV-së për deputet, Boiken Abazi, e ka quajtur qeverisjen Rama “regjim brutal të xhunglës neoliberale”.
“Metën duan ta shkarkojnë që Rama të sundojë i lirë në Shqipëri, ku varfëria ka vajtur 40%, krimi i organizuar është forcuar dhe pabarazia ekonomike po thellohet si kurrë më parë.” – shkruan ai, përcjell Periskopi.
Kujtojmë që Kuvendi i Shqipërisë votoi pro raportit që rekomandonte shkarkimin e presidentit Ilir Meta nga kjo pozitë orë më parë.
Tashmë pritet vetëm edhe verdikti nga Gjykata Kushtetuese për ta mësuar nëse Meta do të largohet nga ky pozicion.
Statusi i plotë:
Shkarkimi i Presidentit Ilir Meta nuk po bëhet në emër të shtetit të së drejtës. Meta nuk duhet amnistuar as për “21 Janarin” as për çfarëdo lloj afere korrupsioni. Por shkarkimi i Metës po bëhet nga një pushtet që nuk dallon nga modeli që Meta ndoqi kur ishte edhe ai në qeveri. Shkarkimi i Metës po bëhet pa ndërruar model prej tij. Metën duan ta shkarkojnë që Rama të sundojë i lirë në Shqipëri, ku varfëria ka vajtur 40%, krimi i organizuar është forcuar dhe pabarazia ekonomike po thellohet si kurrë më parë. Përplasja Rama-Meta është përplasje politikanësh që kanë çuar para të njëjtin regjim brutal të xhunglës neoliberale. Kjo është përplasja e Ramës për pozicionin e mbretit të xhunglës.
