U notua më së paku nga britanikët: VV akuzohet se po zgjedh si komisioner konkurruesin joserioz

Organizatat e Shoqërisë Civile (OSHC) dhe aktivistë që e kanë monitoruar përzgjedhjen e Komisionerit për Informim dhe Privatësi, kanë kërkuar nga deputetët e pozitës që të përsërisin konkursin për arsye se kandidati Enver Bujari, i cili ka ma marrë më së shumti pikë, u vlerësua pa meritë.

Kështu deklaroi gjatë ditës së djeshme OSHC të cilët u shprehën të shqetësuar me procesin e përzgjedhjes së Komisionerit.

Vëzhguesit e konkursit për zgjedhjen e Komisionerit për Informim dhe Privatësi, ku kandidati Enver Bujari ka marrë më së shumti pikë, konsiderojnë se ai u vlerësua pa meritë. Procesin e kanë bojkotuar partitë opozitare, ndërsa vlerësimi është bërë vetëm nga deputetët e pushtetit.

Organizatat e Shoqërisë Civile dhe aktivistë që e kanë monitoruar përzgjedhjen e Komisionerit për Informim dhe Privatësi, vlerësojnë se pikët, që më së shumti i mori Bujari, nuk janë ndarë në mënyrë meritore.

“Nga monitorimi direkt i këtij procesi, ne vlerësojmë se procesi i verifikimit të dokumentacionit të dorëzuar, intervistimit dhe poentimit pas intervistimit nuk ka garantuar vlerësim meritor të kandidatëve të intervistuar, për disa arsye”, thuhet në reagim.

Shoqëria civile ka gjetur se pretendenti për t’u zgjedhur Komisioner për Informim dhe Privatësi, ka ndryshuar disa herë të dhënat e veta në CV.
Ai, sipas vëzhguesve, i ka ndryshuar vitet e studimeve dhe vitet e punës së tij në polici.

Ndryshe, Bujari, që tash ka marrë më së shumti pikë, ka aplikuar edhe viteve të kaluara për pozitën e njëjtë. Mirëpo, britanikët, të cilët e kanë ndihmuar procesin e zgjedhjeve, nuk i kanë dhënë atij pikët kaluese.

Ndërkohë për Periskopin për këtë çështje ka folur Drejtoresha Ekzekutive e Lëvizjes FOL, Mexhide Demolli-Nimani.

Demolli-Nimani për Periskopin ka treguar pasojat e mos-zgjedhjes së Komisionerit për Informim dhe Privatësi.

“Sa i përket pasojave të mos-zgjedhjes së Komisionerit për Informim dhe Privatësi, fillimisht ka disa vite që një Agjenci është jo funksionale sepse i mungon titullari i saj. Së dyti si pasoj e mos zgjedhjes së Komisionerit, ne kemi dy ligje që janë të që janë shumë me rëndësi si Ligji për Qasje në Dokumente Publike dhe Ligji për Mbrojtjen e të Dhënave Personale. Pra mungesa e Komisionerit e bën këtë Agjenci jo funksionale sidomos në këtë periudhë kur e shohim përditë se si keqpërdoren të dhënat personale të qytetarëve apo edhe refuzohet qasja në dokumente publike nga institucionet tona.”, ka thënë ajo.

Por çfarë roli ka Agjencia për Informim dhe Privatësi dhe pse kjo çështje është e ndjeshme dhe duhet trajtuar zellshëm?

Agjencia për Informim dhe Privatësi (AIP) është agjenci e pavarur, përgjegjëse për mbikëqyrjen e zbatimit të Ligjit Nr. 06/L-081 për Qasje në Dokumente Publike dhe Ligjit Nr. 06/L-082 për Mbrojtjen e të Dhënave Personale, me qëllim që të mbrohen të drejtat dhe liritë themelore të personave fzikë, në lidhje me përpunimin e të dhënave personale, si dhe garantimin e qasjes në dokumente publike.

Agjencia vepron me pavarësi të plotë në përmbushjen e detyrave dhe ushtrimin e kompetencave, në pajtim me këtë ligj dhe i përgjigjet Kuvendit të Republikës së Kosovës. Në përmbushje të detyrave të saj dhe ushtrim të kompetencave të saj, vepron e lirë nga ndikimi i jashtëm, i drejtpërdrejtë ose jo, dhe nuk kërkon apo merr udhëzime nga askush.

Nuk dihet nëse deputetët e pozitës do ta anulojnë konkursin pas reagimit të OSHC-së, por ajo që dihet se nëse ky konkurs nuk anulohet atëherë do të kemi në krye të Agjencisë për Informim dhe Privatësi një person jo legjitim./Periskopi/

Deputetët e pushtetit i dhanë pikë pa meritë Enver Bujarit, që britanikët më parë as nuk e kalonin