ShBA dhe BE: Jemi bashkë për të punuar rreth marrëveshjes Kosovë – Serbi

***

Bashkimi Evropian dhe Shtetet e Bashkuara të Amerikës, do të forcojnë bashkëpunimin rreth dialogut midis Prishtinës dhe Beogradit.

Në Samitin e Brukselit, ShBA dhe BE u pajtuan që të intensifikojnë bashkëpunimin mes tyre rreth një morie çështjesh globale, shkruan Periskopi.

Në këtë frymë, në mesin e çështjeve të diskutuara rreth Ballkanit Perëndimor, në veçanti është përmendur dialogu mes Kosovës dhe Serbisë.

Në një deklaratë të përbashkët lidhur me pikat kryesore që synohet të realizohen pas Samitit, është Partneriteti Transaglantik dhe një agjendë mes të dyja fuqive për periudhën post-pandemi.

Bashkimi Evropian dhe Shtetet e Bashkuara të Amerikës, janë pajtuar që ta luftojnë se bashku pandeminë e deri të ndryshimet klimatike, nga marrëdhëniet me Rusinë, Kinën, Iranin e deri te çështjet në Ballkanin Perëndimor.

“Ne zotohemi për të forcuar bashkëpunimin edhe rreth Ballkanit Perëndimor, për dialogun midis Prishtinës dhe Beogradit që do të normalizonte marrëdhëniet mes tyre me ndërmjetësimin e Bashkimit Evropian dhe me mbështetjen tonë për reformat e tyre kyçe në rrugën e tyre të integrimit evropian”, thuhet në deklaratën e përbashkët të lëshuar nga Bashkimi Evropian dhe Shtetet e Bashkuara të Amerikës.

Deklarata tutje flet rreth bashkëpunimit mes BE-së dhe SHBA-së, për të koordinuar politikën e tyre karshi Rusisë.

Të dy palët, janë zotuar se janë të gatshme t’i përgjigjen ‘sjelljeve negative të Rusisë dhe aktiviteteve të saj të dëmshme që po i përsëritë vazhdimisht”. /Periskopi/