5 orë më parëPeci del për herë të parë: Shfaqet në Rahovec si ministër i Bujqësisë
Periskopi(5 vite më parë)
(5 vite më parë)Ministri i Bujqësisë, Pylltarisë dhe Zhvillimit Rural, Faton Peci, ka dalë për herë të parë në teren që nga marrja e detyrës si ministër i këtij sektori. Peci për të parë nga afër ecurinë e veprimtarive bujqësore dhe blegtorale vizitoi kooperativën bujqësore “Krusha” në Krushë të Madhe, si dhe blegtorët e vreshtarët e Komunës së […]
Peci për të parë nga afër ecurinë e veprimtarive bujqësore dhe blegtorale vizitoi kooperativën bujqësore “Krusha” në Krushë të Madhe, si dhe blegtorët e vreshtarët e Komunës së Prizrenit dhe Rahovecit.
Njoftimi i plotë:
Ministri i Bujqësisë, Pylltarisë dhe Zhvillimit Rural, Faton Peci, për të parë nga afër ecurinë e veprimtarive bujqësore dhe blegtorale vizitoi kooperativën bujqësore “Krusha” në Krushë të Madhe, si dhe blegtorët e vreshtarët e Komunës së Prizrenit dhe Rahovecit.
Ministri Peci gjatë vizitës në teren vështroi se si blegtorë, fermerë e vreshtarë të shumtë janë lider të cilësisë si në tregun vendor ashtu edhe në tregje ndërkombëtare edhe përkundër mungesës së përkrahjes institucionale dhe devijimeve të shumta me grante dhe subvencione në këto fusha.
Ai poashtu u njoftua nga afër me të gjitha sfidat dhe problemet me të cilat ballafaqohen prodhuesit dhe përpunuesit e kësaj ane, të cilët do ta kenë mbështetjen e Ministrisë së Bujqësisë gjatë këtij mandati, me qëllim që përmes përkrahjes financiare, veprimtaritë e tyre bujqësore e blegtorale të zhvillohen e avancohen çdo ditë e më shumë.
Ministri Peci gjithashtu i njoftoi se do të angazhohet maksimalisht në hartimin e duhur të politikave sektoriale të cilat lehtësojnë aktivitetet bujqësore dhe stimulojnë gjetjen e tregjeve të reja drejtë avancimit ekonomik të sektorit të bujqësisë.
