5 orë më parëPDK për bojkotimin e takimit me kreun e KQZ-së: VV të mbajë larg duart nga ky institucion
Periskopi(5 vite më parë)
(5 vite më parë)Kryetari i ri i Komisionit Qendror të Zgjedhjeve, Kreshnik Radoniqi, ka ftuar në takim joformal përfaqësuesit e partive politike në KQZ. Mirëpo, ky takim është bojkotuar nga përfaqësuesit e opozitës në KQZ, duke marrë pjesë vetëm Vetëvendosje dhe Lista Serbe. Përfaqësuesi i Partisë Demokratike të Kosovës (PDK), në Komisioni Qendror të Zgjedhjeve, Arianit Elshani, ka […]
Përfaqësuesi i Partisë Demokratike të Kosovës (PDK), në Komisioni Qendror të Zgjedhjeve, Arianit Elshani, ka folur për arsyet e bojkotimit të kësaj mbledhje.
Ai për Periskopin ka thënë se përmes këtij bojkoti kërkojnë që sa më parë të funksionalizohet KQZ-ja dhe të emërohen dy anëtarët e tjerë që janë nga PDK dhe VAKAT.
“Përmes këtij bojkoti kërkojmë që sa më parë të funksionalizohet në plotni KQZ-ja, të emërohen edhe dy anëtarët e munguar në KQZ, që janë një nga PDK-ja dhe një nga Vakat. Pa emërimin e këtyre dy anëtarëve rrezikohet mbarëvajtja e zgjedhjeve lokale.”, ka thënë ai për Periskopin.
Tutje, ai ka thënë se presidentja e vendit, Vjosa Osmani, ka shkarkuar pa fakte Valdet Dakën nga pozita e kryetare së KQZ-së, kësisoj ka rrezikuar edhe mbajtjen e zgjedhjeve lokale.
“Presidentja e Kosovës, pa fakte dhe ndikuar politikisht nga një parti politike, mori vendim për shkarkim të kryetares së KQZ-së dhe emërimin e ushtruesit të ri të detyrës. Me këtë vendim, është rrezikuar edhe procesi i zgjedhjeve lokale të këtij viti. Andaj, ftoj që politika dhe agjendat politike të LVV-së të mbajnë larg duart nga pavarësia institucionale që i takon KQZ-së.”, ka thënë ai për Periskopin.
Ndryshe, Kreshnik Radoniqi është emëruar kryetar i KQZ-së pas shkarkimi të Valdete Dakës./Periskopi/
Opozita bojkoton ftesën e kryetarit të ri të KQZ-së, marrin pjesë vetëm VV e Lista Srpska
