Osmanit iu desh kohë e gjatë për të reaguar ndaj Mlladiqit, e quan “historik” vendimin për dënimin e tij

Presidentja e vendit, Vjosa Osmani ka reaguar mbi katër orë me vonesë për dënimin e përjetshëm që ia shqiptoi gjykata kriminelit serb të luftës, Ratko Mlladiq.

Osmani me anë të një postimi në Twitter, ka thënë se njerëzit dhe familjet që përjetuan vuajtjet e parrëfyera nga regjimi i Millosheviqit, kur shohin këtë verdikt, do të ndjehen një hap më tepër drejtësisë.

“Kur shohim një verdikt të tillë sikurse ky i sotit, njerëzit dhe familjet që përjetuan vuajtjet e parrëfyera nga regjimi gjenocidal i Millosheviqit do ndjehen një hap më pranë drejtësisë. Nuk ka tashmë dyshime se qëllimi i Millosheviqit, Mlladiqit e të tjerëve që ishin pjesë e atij regjimi, ishte gjenocidi”, ka shkruar ajo.

Tutje Osmani ka thënë se ky gjykim do të hyjë në histori si rast i rrallë kur vihet drejtësia, sepse sipas saj rajoni ka një rrugë të gjatë për të bërë që të sigurohet drejtësia për të mbijetuarit e tjerë dhe familjet e të zhdukurve.

“Ky gjykim do të hyjë në histori si një rast i rrallë kur vihet drejtësia, ndonëse rajoni ka një rrugë të gjatë për të bërë që të sigurohet drejtësia për të mbijetuarit e tjerë dhe familjet e të zhdukurve”, ka shkruar ajo.

When we see a verdict like today, the people & families who experienced untold suffering perpetrated by Milosevic’s genocidal regime will feel one step closer to justice. There is no doubt now that the intention of Milosevic, Mladic & others part of that regime, was genocide. 1/2 pic.twitter.com/MfMpFo9Ci4

— Vjosa Osmani (@VjosaOsmaniPRKS) June 8, 2021