OKB-ja: Pandemia e radhës mund të jetë “thatësia”, brenda pak vitesh të gjithë në stres për ujë

Të paktën 1.5 miliardë njerëz janë goditur direkt nga thatësia në këtë shekull dhe kostoja ekonomike është goditur me një vlerë prej 124 miliardë dollarëve.

Kostoja e vërtetë me gjasë është shumë herë më e madhe për shkak se vlerësime të tilla nuk përfshijnë impaktin në vendet në zhvillim, shkruan Guardian, përkthen Periskopi.

Mami Mizutori, përfaqësuesja speciale e Sekretarit Gjeneral të OKB-së për reduktimin e rrezikut nga katastrofat, tha: “Thatësia është në prag që të bëhet pandemia e radhës dhe për të nuk ka as vaksinë për ta kuruar. Shumica e botës do të jetojë nën stres për ujë brenda disa vitesh. Kërkesa do ta tejkalojë furnizimin. Thatësia është bërë faktor i madh në degradimin e tokës dhe në rënien e rendimenteve për shumë të korra.”

Ajo tha që shumë njerëz kishin imazhin e thatësisë vetëm nëpër rajone të shkretëtirave në Afrikë, por se ky nuk ishte rasti.

“Njerëzit kanë jetuar me thatësirën për 5 mijë vjet, por ajo se çka po shohim tash është diçka ndryshe,” vazhdoi ajo.

Edhe rritja e popullsisë po ashtu po ekspozon më shumë njerëz në shumë rajone ndaj impakteve të thatësirës, ka thënë raporti. /Periskopi