Nuk është Lutfi Haziri: Periskopi mëson emrin e kandidatit të LDK-së për kryetar të Gjilanit

Kryesia e Lidhjes Demokratike të Kosovës (LDK), gjatë ditë së djeshme ka prezantuar disa nga kadidatët për kryetar të komunave që do të garojnë në zgjedhjet komunale që pritet të mbahen këtë vit.

Njëkohësisht, LDK me anë të një komunikatë për media, njoftoi që do të mbahet Konventa e punës në degën e Gjilanit, nga e cila do të përcaktohet edhe kandidati.

Periskopi përmes burimeve në degën e LDK-së në Gjilan, mëson se kandidat për kryetar të kësaj nuk do të jetë kryetari aktual, Lutfi Haziri por garës do t’i futet Arbër Ismajli, i cili aktualisht është nënkryetar i Gjilanit.

“Arbër Ismajli është kandidati. Me 23 ose 24 pritet m’u konfirmu në Konventen e Degës në Gjilan”, ka thënë një burim i sigurt për Periskopin.

Nuk dihen arsyet se pse Lutfi Haziri nuk do të jetë kandidat për të parin e Gjilanit.

Kryetari i LDK-së, Lumir Abdixhiku, dje njoftoi disa nga emrat kandidat për kryetarë komunash.

Njoftimi i Abdixhikut:

Kandidat për kryetar të Komunës së Prishtinës, z. Përparim Rama;
Kandidat për kryetar të Komunës së Podujevës, z. Ekrem Hyseni;
Kandidat për kryetar të Komunës së Pejës, z. Gazmend Muhaxheri;

Kandidat për kryetar të Komunës së Suharekës, z. Ardian Shala;
Kandidat për kryetar të Komunës së Lipjanit, z. Imri Ahmeti;
Kandidat për kryetar të Komunës së Fushë Kosovës, z. Burim Berisha;
Kandidat për kryetar të Komunës së Vitisë, z. Sokol Haliti;
Kandidat për kryetar të Komunës së Vushtrrisë, z. Xhafer Tahiri;

Ndryshe, zgjedhjet lokale pritet të mbahen me shumë gjasë në tetor të këtij viti dhe se partitë politike veçse kanë filluar shpalljen e kandidaturave për kryetar. /Periskopi/