3 orë më parëMinatorët e Trepçës mbetën për 4 orë poshtë të ngujuar
Periskopi(5 vite më parë)
(5 vite më parë)Kryetari i Sindikatës së Minatorëve të Trepçës, Gani Osmani, për IndeksOnline ka pohuar se mbrëmë një numër i konsiderueshëm i punëtorëve kanë mbetur të ngujuar në minierë afro katër orë. Sipas tij, makina ngritëse që bart punëtorët brenda dhe jasht minierës ka pasur një defekt. Si pasojë e kësaj punëtorët kanë mbetur poshtë minierës nga […]
Kryetari i Sindikatës së Minatorëve të Trepçës, Gani Osmani, për IndeksOnline ka pohuar se mbrëmë një numër i konsiderueshëm i punëtorëve kanë mbetur të ngujuar në minierë afro katër orë.
Sipas tij, makina ngritëse që bart punëtorët brenda dhe jasht minierës ka pasur një defekt.
Si pasojë e kësaj punëtorët kanë mbetur poshtë minierës nga ora 23:30 deri në 03:00.
Osmani tha se ky defekt po vazhdon të jetë i pranishëm edhe sot ku ndërrimi i mëngjesit s’ka filluar ende punën.
“Mbrëmë ka pas defekte tek miniera e Trepçës tek makina ngritëse që bartë punëtorët. Ndërrimi i dytë kanë mbetur nga ora 23:30 deri në ora 03:00 e natës pa mundur të largohen nga miniera. Ky ka qenë defekti por diku më shumë se 50 punëtorë kanë arritur në forma tjera që i kanë gjetur dhe kanë dal jasht saj. Prapë ky defekt është edhe sot dhe si rrjedhojë e saj ndërrimi i parë s’ ka hi fare në minierë. Elektricistët po punojne nga dje e sot në sanimin e këtij defekti”, tha ai.
