3 orë më parëM. e Drejtësisë merr përsipër dërgimin e pakove nga familjarët për të akuzuarit e Speciales
Periskopi(5 vite më parë)
(5 vite më parë)Ministria e Drejtësisë ka bërë të ditur se kanë marrë përsipër dërgimin e pakove nga familja për personat që gjendet në qendrën e paraburgimit në Hagë, si të arrestuar nga Specialja. MD-ja përmes një komunikate ka thënë se do t’i përmbushin të gjitha obligimet e përcaktuara me Ligjin për mbrojtjen juridike dhe mbështetjen financiare të […]
MD-ja përmes një komunikate ka thënë se do t’i përmbushin të gjitha obligimet e përcaktuara me Ligjin për mbrojtjen juridike dhe mbështetjen financiare të personave të akuzuar potencial në proceset gjyqësore pranë dhomave të specializuara dhe aktet përkatëse nënligjore.
“Duke qenë se ligji i cekur më lartë përcakton ofrimin e asistencën për personat e akuzuar potencial në proceset gjyqësore pranë dhomave të specializuara dhe në pajtim me planin e prokurimit të vitit 2021, Ministria e Drejtësisë, tashmë ka nisur procedurat përkatëse për lidhjen e kontratës për postë të shpejtë, në kuadër të të cilave hynë edhe dërgimi i pakove për personat të cilën gjenden në Qendrën e Paraburgimit në Hagë”, thuhet në njoftim.
“Në pajtim me dispozitat përkatëse ligjore është autorizuar zyrtari për fillimin e procedurës, si dhe janë siguruar mjetet për kontratë kornizë. Ministria e Drejtësisë këtë çështje do t’ua konfirmojë familjarëve të personave të akuzuar ditën e hënë ku do të njoftohen në detaje në lidhje me përkushtimin e Ministrisë së Drejtësisë për përmbushjen e të gjitha obligimeve ligjore në lidhje me këtë proces”, bëhet e ditur.
Ky sqarim i MD-së vjen pas akuzave të vajzës së Jakup Krasniqit që tha dje se MPJD-ja ka bërë të ditur se nuk do t’ua dërgojë gjërat esenciale në Hagë personave të arrestuar nga Specialja.
