7 orë më parëLajçak për takimin Kurti-Vuçiq: Albin Kurti është i ri në dialog, nuk ka shkak të jemi pesimistë
Periskopi(5 vite më parë)
(5 vite më parë)I dërguari i posaçëm i BE-së për dialogun, Mirosllav Lajçak, ka folur sërish për takimin Kurti-Vuçiq që u mbajt të martën në mëngjes. Para mediave, Lajçak ka thënë se s’ka asnjë arsye për pesimizëm në proces, duke shtuar se takimi në fjalë nuk ishte i thjeshtë dhe duke e konsideruar Albin Kurtin “të ri” në […]
Para mediave, Lajçak ka thënë se s’ka asnjë arsye për pesimizëm në proces, duke shtuar se takimi në fjalë nuk ishte i thjeshtë dhe duke e konsideruar Albin Kurtin “të ri” në procesin e dialogut megjithëse ky i fundit ka qenë i përfshirë indirekt prej themelimit të Lëvizjes Vetëvendosje [si reaksion ndaj procesit të dialogut në Vjenë] në vitet 2000.
“Besoj që nuk kemi të drejtë të jemi pesimistë, dhe nuk kemi as shkak të jemi pesimistë. Për takimin e parë personal midis liderëve të Serbisë dhe Kosovës do të ishte naive të themi që një takim i tillë ishte i thjeshtë. Fakti që një takim u zhvillua dhe u fol për disa orë dhe ku të dyja palët janë të interesuara për një normalizim të marrëdhënieve dhe që besojnë se dialogu i lehtësuar nga BE-ja është rruga e duhur është një shenjë pozitive”, ka thënë Lajçak.
Sipas Lajçakut, Kurti ka një mandate të fortë në Kosovë, dhe me autoritet mund të flasë për procesin e dialogut.
“Do të ketë takim tjetër para pushimeve të verës. Kryeministri Albin Kurti është i ri në këtë dialog, është një proces që ka nisur në vitin 2011 dhe ka sjellë disa rezultate. Ai [Albin Kurti] i sjell pikëpamjet e tij në këtë proces dhe është e rëndësishme që ai ka një mandat shumë të fortë politik, sepse atë e ka zgjedhur një shumicë e madhe dhe mund të flasë me autoritet”, tha tutje Lajçak.
Ky i fundit ripërsëriti frazën se dialogu mes Kosovës dhe Serbisë ka rëndësi për të gjitha rajonin, dhe se duhet angazhim në atë formë që përfundimi të jetë i suksesshëm.
