Kush është Hakani, personi që çoi në kapjen e gati 1 mijë kriminelëve?

Policia australiane i ka thënë mediave lokale se personi që pa dashje ka ndihmuar në shpërndarjen e aplikacionit të mesazheve të koduara ishte një i arratisur me emrin Hakan Ayik.

I dyshuar se ishte një bos droge edhe vet, zyrtarët kanë thënë se z. Ayik u identifikua si influencuesi kryesor dhe iu dha qasje nga agjentët e fshehtë te aplikacioni që më pas u rekomandua te kolegët e tij kriminelë, raporton BBC, përkthen Periskopi.

“Ai u identifikua sepse kishte pozicion të rëndësishëm në botën e nëntokës,” tha një hetues i lartë.

Është raportuar se Ayiku kishte jetuar në Turqi për vite me radhë dhe policia i ka kërkuar që të dalë në publik për të mirën e tij.

Kush është Hakani?

Po ashtu i njohur edhe si Joseph Hakan Ayik, 42 vjeçari ka lindur nga prindër emigrantë nga Turqia dhe mendohet të jetë rritur në një lagje të klasës punëtore në Sydney të Australisë.

Mediat australiane i referohen atij si “gansteri i Facebookut”.

Ai mori vëmendjen e mediave qe një dekadë për jetën e shtrenjtë e luksoze që bënte dhe të cilën e paraqiste pa marre në rrjetet sociale.

Besohet që Hakan Ayik ka jetuar me identitet të rremë e me emrin Hakan Reis, dhe është martuar me një holandeze duke i bërë edhe dy fëmij. /Periskopi