5 orë më parëKurti edhe në Samitin e Vjenës kërkon zotimin që Serbia e Kosovës të mos sulmohen
Periskopi(5 vite më parë)
(5 vite më parë)Kryemnistri i Kosovës, Albin Kurti, ka ndarë fjalën që ka mbajtur në Samitin e Ballkanit Perëndimor që u mbajt në Vjenë të Austrisë. Ai thotë të ketë theksuar në këtë takim katër pika, mes të cilave përsëri është “deklarata e përbashkët” mes Kosovës dhe Serbisë “për mos-sulmim”, dhe që Serbia ta njohë Pavarësinë e Kosovës, […]
Ai thotë të ketë theksuar në këtë takim katër pika, mes të cilave përsëri është “deklarata e përbashkët” mes Kosovës dhe Serbisë “për mos-sulmim”, dhe që Serbia ta njohë Pavarësinë e Kosovës, përcjell Periskopi.
Po ashtu, kryeministri ka bërë thirrje të hiqen vizat për Kosovën ndërsa ka përmendur edhe njëherë kalimin nga Cefta në SEFTA.
Reagimi i plotë:
Nën organizimin e Kancelarit Austriak, z. Sebastian Kurz, sot u mbajt samiti i gjashtë shteteve të Ballkanit Perëndimor. Për dallim nga 17 marsi i vitit të kaluar kur diskutuam virtualisht përmes platformës Zoom, kësaj radhe u mblodhëm fizikisht në Vjenë në Pallatin e Kancelarisë Federale.
Në fjalën time, përveç tjerash, theksova:
- Kosova po e menaxhon mirë e me sukses pandeminë Covid-19. Mesatarisht kemi më pak se një person të infektuar në ditë për 100 mijë banorë dhe më pak se 10 raste aktive në 100 mijë banorë. Bashkimi Evropian do të duhej ta vendos Kosovën në mesin e shteteve të udhëtimit të sigurt lidhur me pandeminë Covid-19.
- Kosova me qeverisjen e mirë dhe demokratike ka nisur reformat në drejtësi dhe ekonomi. Besimi qytetar në institucione është shumë i lartë. Krahasuar me vitin e kaluar eksportet i kemi rritur për 66%, aktivitetin ekonomik (qarkullimin) për 15%, kurse të hyrat buxhetore për 30%. Kemi nevojë për më shumë investime, dhe kompanitë austriake janë të mirëseardhura e të dëshiruara.
- Kosova dhe Serbia të bëjnë një deklaratë të përbashkët të paqes me zotim për mos-sulmim, Serbia ta njohë pavarësinë e Kosovës dhe të ballafaqohet me të kaluarën, si dhe Kosova e Serbia të zbatojnë reciprocitetin sa i përket të drejtave të pakicave.
- Të hiqen vizat për Kosovën në mënyrë që qytetarët tanë të udhëtojnë lirshëm në vendet e BE-së, kurse gjashtë shtetet e Ballkanit Perëndimor të kalojnë nga CEFTA në SEFTA (Marrëveshja Evropiane për Tregti të Lirë me Evropën Juglindore) sipas shembullit të EFTA-EEA, pra siç e kanë Lihtenshtajni, Norvegjia e Islanda me BE-në.
