Konjufca: Në Hagë po mbahen komandantët më të shquar të UÇK’së, e kemi obligim t’i mbrojmë

Kryekuvendari Glauk Konjufca tha se në Hagë po mbahen komandantët më të shquar të UÇK-së dhe se duhet mbrojtur ata, transmeton Periskopi.

Konjufca e quajti luftën e UÇK-së të pastër dhe të domosdoshme.

”Ata atje janë si përfaqësues të UÇK’së, jo si drejtues të partive politike. Obligim jonë është që t’i mbrojmë ata prej këtij dimensioni. T’i konsolidojmë grupet që do të merreshin me mbrojtjen e tyre’, tha ai.

”Të themi që është një proces i drejtësisë ndërkombëtare dhe ne po e vëzhgojmë se si po zhvillohet. Kështu ka qenë fatkeqësisht qasja e qeverisë së kaluar. Tash Qeveria e re duhet të merret si pjesëmarrje aktive në procesin që po ndodh atje duke i mbrojtur përfaqësuesit tanë, duke prezantuar prova në favor të mbrojtjes dhe duke përgënjeshtruar pozicionet e Serbisë me të cilat synon të na i minojë edhe luftën çlirimtare edhe karakterin e saj të pastër, por edhe tek e fundit shtetësinë dhe kredibilitetin në arenën ndërkombëtare të sovranitetit të Kosovës”, tha ai.

Në një intervistë për RTK-në, krykuvendari ka folur edhe për dialogun me Serbinë, ku u shpreh pesimist se brenda këtij viti mund të arrihet një marrëveshje.