8 orë më parëKina në zor: Tufa e 16 elefantëve të egër shtrihet e pushon pas 15 muajsh udhëtim
Periskopi(5 vite më parë)
(5 vite më parë)Tufa e famshme e elefantëve kinezë ka marrë pauzë për të pushuar pas 15 muajsh udhëtim që i çoi shumë larg habitatit të natyrshëm të tyre, një odiseadë kjo që ka mbërthyer gjithë vendin. Autoritetet kanë nxjerrë resurse të jashtëzakonshme për të monitoruar tufën dhe për ta mbajtur larg nga zonat e banuara me njerëz. […]
Autoritetet kanë nxjerrë resurse të jashtëzakonshme për të monitoruar tufën dhe për ta mbajtur larg nga zonat e banuara me njerëz. Sipas mediumit kinez, brigada e zjarrfikësve të pyjeve tha që një grup prej tetë njerëzish po ndiqnin elefantët 24 orë në ditë, edhe në tokë por edhe në ajër.
Në lajmin e fundit thuhet që autoritetet kanë parë elefantët e egër aziatikë jashtë një fshati në Xiyang, raporton The Guardian, përcjell Periskopi.
Imazhet e bëra me dronë tregojnë elefantët që po pushojnë në pyll, pas udhëtimit të tyre ku i bënë më shumë se 500 kilometra.
Të hënën më shumë se 410 anëtarë të personelit emergjent, 374 makina dhe 14 dronë u zhvendosën me më shumë se dy tonë të ushqimit të elefantëve, në përpjekjet për të larguar elefantët nga zonat e njerëzve, për t’i efakuuar njerëzit nga rruga.
Autoritetet e kafshëve nuk po arrijnë të kuptojnë pse grupi prej 16 elefantëve u largua nga habitati i natyrshëm.
Javën e kaluar, dy elefantë u larguan nga grupi, duke i lënë pjesën tjetër të vazhdonin odiseadën e tyre që të shkonte drejt veriut.
Këta elefantë besohet të kenë shkaktuar mbi 1 milionë euro dëme gjatë rrugës së tyre. /Periskopi
