Kajtazi: Albin Kurti është peng i vetëvetes

“Kurti politikisht është një peng i veprimeve dhe i deklaratave të tij dhe sa herë që diskutohet për punën e tij, duke e marrë parasysh zhvillimin ekonomik, luftimin e korrupsionit, negociatat në Bruksel, gjithmonë maten prej pozicionit të tij të mëhershëm”.

“E cilësoj Kurtin si peng të vetvetes, në kuptimin që njerëzit nuk i harrojnë lehtë të gjitha ato, dhe me të drejtë i rikujtohet sa herë që ka raportime që i është punësuar një familjar, kur thotë që dajët e tezet janë për dasma e jo për qeveri. Është deklaratë e tij”, tha Kajtazi, përcjell Periskopi.

Ai ndër të tjera shtoi se sa herë që flitet për dialogun, kritikat që i vien Kurtit janë nga deklaratat e tij të mëparshme.

“Pra, saherë që flitet për dialogun, negociatat, ku mbet qëndrimi për faljen e krimeve të krimeve në Kosovë, këto merren si kritika nga ‘argumentet’ e tij.”