3 orë më parëJa çka thotë Isa Mustafa për takimin Kurti-Vuçiq: Parodi e llojit të vet
Periskopi(5 vite më parë)
(5 vite më parë)Ish-kryetari i LDK’së Isa Mustafa, ka kritikuar paraqitjen e kreut të shtetit z.Albin Kurti që pati në takimin me Vuçiqin në Bruksel. Mustafa në një prononcim dhënë për Periskopin thotë se ky ishte vetëm një takim i thjeshtë dhe asgjë më shumë. Siç thotë ai kjo tryezë ishte “një parodi e llojit të vet” “Takimi […]
Mustafa në një prononcim dhënë për Periskopin thotë se ky ishte vetëm një takim i thjeshtë dhe asgjë më shumë. Siç thotë ai kjo tryezë ishte “një parodi e llojit të vet”
“Takimi i djeshëm i Kurtit dhe Vuçiqit ishte thjesht takim, asgjë tjetër. Ishte një parodi e llojit të vet. Por edhe pse edhe kjo parodi ka klientelën e vet, Kosovës nuk ia zgjidhë problemet. Dialogu është proces shumë më serioz se sa deklarimet në stilin unë ia thashë e ai ma tha!”, tha Mustafa.
Z.Mustafa thotë se kryeministri Kurti u takua me Vuçiqin pa asnjë kusht, madje sipas ish-të parit të LDK’së, ky takim nuk është dashur të zhvillohet pa praninë e ShBA‘së, e këtë ky i fundit e vlerëson si fillim jo të mirë.
“Jashtë kësaj, duhet veçuar tre fakte: Kurti u takua me Vuçiqin, pa asnjë kusht; Kurti i dha katër propozime në Bruksel, çfardoqofshin ato, por pa asnjë konsultë publike në Kosovë; Takimi u zhvillua pa pjesëmarrjen e SHBA-së. Nuk është fillim i mirë!”
Z.Mustafa ia ka përmendur, Kurtit njërën nga kërkesat që ky i fundit ia bëri në takim Vuçiqit, atë të zëvendësimit të CEFTA me SEFTA, e që sipas tij ky dialog nuk po zhvillohet për “për zëvendësimin e CEFTA me SEFTA por për njohje reciproke”
“Dialogu nuk po zhvillohet për zëvendësimin e CEFTA me SEFTA por për njohje reciproke. Për hapje të rrugëve për anëtarësim në BE dhe OKB dhe jo për status të vendeve që nuk janë në BE. Qeveria e Vetëvendosjes, është e para qeveri paslufte që ka shumicën në Kuvend. Ka përgjegjësi të madhe dhe pritshmëri të mëdha, sidomos për përmbylljen e dialogut. Do ti bënte mirë Kosovës nëse gjen rrugë dhe bashkëpunim me SHBA dhe BE në këtë proces. Prandaj, uroj që kjo Qeveri ta shfrytëzojë fuqinë e saj në Kuvend për ta përmbyllur këtë proces që po e mban peng Kosovën.”
Kujtojmë se Kurti ka shkelur njërin nga premtimet elektorale të tij në zgjedhjet e fundit, kishte se nuk do të ulet në dialog me Serbinë, pa kërkuar këta të fundit falje për krimet e luftës dhe t’i kompensonte dëmet e luftës të shkaktuara në Kosovë, dhe ky takim ndodhi pikërisht dje pa e përmendur fare këtë kusht./Periskopi/B.H./
