4 orë më parëGjermania e tronditur: Pranohet se ushtarët e saj në misionin e NATO-s festuan ditëlindjen e Hitlerit
Periskopi(5 vite më parë)
(5 vite më parë)Ministrja e mbrojtjes e Gjermanisë ka thënë që raportimet e abuzimeve raciste e seksuale në një togë gjermane në Lituani e kanë vënë gjithë namin e ushtrisë në rrezik. 30 ushtarë tashmë janë thirrur që të kthehen mbrapsht në Gjermani nga Lituania. Annegret Kramp-Karrenbaher ka thënë që skandali “ishte flakaresh” për të gjithë ata që […]
30 ushtarë tashmë janë thirrur që të kthehen mbrapsht në Gjermani nga Lituania.
Annegret Kramp-Karrenbaher ka thënë që skandali “ishte flakaresh” për të gjithë ata që shërbenin në forcat e armatosura [Bundeswehr].
Raportimet flasin për sulme seksuale, ngacmime, anti-semitizëm dhe këngë naziste, raporton BBC, përkthen Periskopi.
Trupa gjermane ishte pjesë e misionit të NATO-s.
“Përmes sjelljes së tyre këta ushtarë e kanë vënë krejt reputacionin e ushtrisë në rrezik,” tha ajo.
Këto pretendime, së pari të raportuara nga Der Spiegel, lidhen me një aheng të mbajtur në një hotel në Lituani në fund të muajit prill.
Anëtarët e togës pretendohet se kanë filmuar një incident të sulmit seksual kundër një tjetër ushtari derisa këndonin këngë anti-semite. Më vonë dolën edhe të tjera pretendime për abuzime seksuale dhe racore.
Po ashtu, këta ushtarë kishin festuar edhe ditëlindjen e diktatorit nazist Adolf Hitler më 20 prill. /Periskopi
