2 orë më parëEdi Rama flet për Mini-Shengenin, komisionari i BE-së premton 30 miliardë për rajonin
Periskopi(5 vite më parë)
(5 vite më parë)Komisionari për Zgjerim, Oliver Varhelyi është shprehur se Bashkimi Evropian ka një plan për investime prej 30 miliardë euro në Ballkanin Perëndimor. Varhelyi duke folur në një konferencë për medie me kryeministrin shqiptar Edi Rama në Samitin e Krerëve të Ballkanit, tha se më parë ky rajon duhet të funksionojë si treg i vetëm. “Ne […]
Varhelyi duke folur në një konferencë për medie me kryeministrin shqiptar Edi Rama në Samitin e Krerëve të Ballkanit, tha se më parë ky rajon duhet të funksionojë si treg i vetëm.
“Ne jemi gati të rikonfirmojmë angazhimin tonë që kemi vënë në tryezë me planin ekonomik të investimeve. E kemi treguar që në vjeshtë që mobilizon pothuajse 30 miliardë euro në formë investimesh në rajon, por ky plan nuk ka për të funksionuar nëse rajoni nuk funksionon si një i tërë, nëse nuk kemi një treg rajonal”, tha Varhelyi.
“Nuk ka kuptim ndërtimi i autostradave nëse të gjithë automjetet e mëdha do të ndalojnë në pikat e ndryshme kufitare ndërmjet kufijve çdo 100 kilometra. Nuk ka kuptim për të punuar më shumë për këto hekurudha nëse edhe trenat do të hasen në vështirësi ose rrugë të reja tregtie nëse do të duhet që të ketë 6 lloje të ndryshme certifikatash për mallrash, ose tatime të ndryshme. Ky plan ekonomik do të japë rezultatet e veta nëse vetë ky rajon punon për këtë treg rajonal dhe ky është dhe mjedisi ku do të funksionojë ky treg rajonal”, shtoi ai.
Po ashtu, Rama ka rikthyer temën e projektit të Mini-Shengenit.
“Projekti i atij që e quaj Shengen rajonal, dikush tjetër e quan Mini-Shengen, është një projekt strategjik me përfitime të jashtëzakonshme, ekonomike, sociale dhe në fund politike të rajonit tonë dhe më vjen mirë që sinergjia e këtij vizioni me BE-në është e plotë. Procesi i Berlinit është zanafilla dhe jemi në kushtet kur po e zotërojmë procesin dhe shpresoj që vetë procesi i Berlinit të kalojë plotësisht në duart e KE, nën udhëheqjen e presidentes së Komisionit me dëshirën e ambicien që takimi i 5 korrikut të jetë i fundit që bëhet në formatin e tanishëm”, është shprehur Rama.
Pjesëmarrës në këtë takim është edhe kryeministri i Kosovës, Albin Kurti.
Në Samit është duke merr pjesë edhe komisionari Olivér Várhelyi; presidenti i Malit të Zi, Milo Gjukanoviq; kryeministrja e Serbisë, Ana Brnabiq; kryetari i Këshillit të Ministrave të Bosnjës dhe Hercegovinës, Zoran Tegeltija; kryeministri i Maqedonisë së Veriut, Zoran Zaev; sekretarja e përgjithshme e Këshillit për Bashkëpunim Rajonal, Majlinda Bregu; drejtori i sekretariatit të CEFTA-së, Emir Djikiq; dhe zëvendësdrejtori i sekretariatit të përhershëm të Organizatës së Traktatit të Komunitetit të Transportit, Ljuba Siljanoska.
